Барои Сарвазири Тотористон ва ҳамроҳонаш сайри осорхонавӣ ташкил гардид

Октябрь 2, 2026 13:00

ДУШАНБЕ, 02.10.2026 /АМИТ «Ховар»/. Сарвазири Тотористон Алексей Песошин ва ҳамроҳонаш, ки бо сафар дар Ҷумҳурии Тоҷикистон қарор доранд, бо мақсади шиносоӣ бо таъриху тамаддуни куҳанбунёд, мероси фарҳангӣ ва дастовардҳои таърихии халқи тоҷик аз Осорхонаи миллии Тоҷикистон боздид намуданд.

Ба АМИТ «Ховар» аз Осорхонаи миллии Тоҷикистон иттилоъ доданд, ки дар ҷараёни боздид барои меҳмонон сайри осорхонавӣ баргузор карда шуд. Меҳмонон аз толорҳои гуногуни намоишии Осорхонаи миллӣ дидан намуда, ба онҳо намунаҳои нодири мероси таърихиву фарҳангӣ, бозёфтҳои арзишманди бостоншиносӣ, ёдгориҳои нодири моддӣ ва дигар осори гаронбаҳои таърихи халқи тоҷик муаррифӣ гардид.

Меҳмонон ҳамчунин бо марҳилаҳои муҳими ташаккул ва рушди давлатдории тоҷикон, дастовардҳои фарҳангию илмӣ ва саҳми халқи тоҷик дар рушди тамаддуни ҷаҳонӣ аз наздик шинос гардиданд. Баъди дидани толорҳои намоишӣ меҳмонон оид ба таърихи чандҳазорсолаи миллат ва фарҳанги ғановатманди тоҷикон маълумот пайдо намуданд.

Сарвазири Ҷумҳурии Тотористон Алексей Песошин аз сатҳи баланди ташкил ва муҳтавои ғании намоишгоҳҳои Осорхонаи миллӣ изҳори қаноатмандӣ намуда, таассуроти неки худро дар китоби «Меҳмонони фахрӣ»-и Осорхонаи миллии Тоҷикистон навишт.

           АКС: Осорхонаи миллии Тоҷикистон

 

Октябрь 2, 2026 13:00

Хабарҳои дигари ин бахш

Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд
«ДОСТОНИ ДУШАНБЕ». Китоби нави Шоири халқии Тоҷикистон Давлат Сафар рӯнамоӣ гардид
Дар Файзобод нимпайкараи шоири муосири тоҷик Бозор Собир гузошта шуд
Беҳтарин асарҳои назмию насрӣ дар соли 2026 муайян мегарданд
«ДАР ЧЕҲРААШ НУРИ ХУДО ДОРАД». Таҳти ин унвон бахшида ба Рӯзи Президент намоиши асарҳо баргузор шуд
Дар Душанбе Форуми байналмилалӣ ва намоиши либосҳои миллӣ баргузор гардид
Дар Душанбе маҳфили эҷодии Шоири халқии Тоҷикистон Давлат Сафар баргузор мегардад
Дар кинотеатри «Ватан» нахустнамоиши филми муштараки «Дурахши ахтарон: Ҷомӣ ва Навоӣ» баргузор мешавад