Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
ДУШАНБЕ, 15.10.2026 /АМИТ «Ховар»/. Имрӯз дар шаҳри Душанбе дар доираи Форуми соҳибкории «Тоҷикистон, ба пеш!» таҳти унвони «Ислоҳотҳои гузаронидашуда дар самти дастгирии соҳибкорӣ дар давоми 35 соли Истиқлоли давлатии Ҷумҳурии Тоҷикистон» ҳамоиш баргузор гардид, иттилоъ медиҳад мухбири АМИТ «Ховар» аз ҷараёни баргузории ин чорабинӣ.
Дар ҳамоиш намояндагони сохторҳои дахлдори давлатӣ, соҳибкорон ва мутахассисони соҳа иштирок намуда, масъалаҳои марбут ба рушди соҳибкорӣ, такмили низоми дастгирии соҳибкорон ва нақши бахши хусусӣ дар рушди иқтисоди миллиро мавриди баррасӣ қарор доданд.
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода аз дастгириҳои давлату Ҳукумати Ҷумҳурии Тоҷикистон нисбат ба соҳибкорон ёдовар шуда, иброз дошт, ки фароҳам овардани шароити мусоид барои рушди фаъолияти соҳибкорӣ, ҳифзи ҳуқуқу манфиатҳои соҳибкорон ва ҷалби сармояи ватаниву хориҷӣ аз самтҳои муҳими сиёсати иқтисодии давлат ба ҳисоб меравад.
«Дар даврони соҳибистиқлолӣ барои рушди бахши хусусӣ, такмили заминаҳои ҳуқуқии фаъолияти соҳибкорӣ ва беҳтар намудани фазои сармоягузорӣ тадбирҳои муҳим амалӣ карда шудаанд. Аз ҷумла, амалӣ намудани имтиёзу сабукиҳо, такмили низоми иҷозатдиҳӣ, рушди хизматрасониҳои электронӣ ва дастгирии ташаббусҳои соҳибкорӣ ба фароҳам овардани имкониятҳои бештар барои фаъолияти озоди иқтисодӣ мусоидат менамоянд.
Дар ин замина, ҳамкории давлат ва бахши хусусӣ, дастгирии ташаббусҳои созандаи соҳибкорон ва фароҳам овардани шароити мусоид барои татбиқи лоиҳаҳои нави сармоягузорӣ аз омилҳои муҳими таъмини рушди устувори иқтисоди мамлакат ба ҳисоб меравад»,- афзуд Султон Раҳимзода.
Иштирокчиёни ҳамоиш ҳамчунин оид ба натиҷаҳои ислоҳоти анҷомдодашуда, мушкилоти мавҷуда ва роҳҳои ҳалли онҳо мубодилаи афкор намуда, аҳаммияти ҳамкории давлат ва бахши хусусиро дар фароҳам овардани ҷойҳои нави корӣ, афзоиши истеҳсоли маҳсулоти ватанӣ ва рушди устувори иқтисоди мамлакат таъкид карданд.
Дар идомаи чорабинӣ масъалаҳои баланд бардоштани рақобатпазирии соҳибкории ватанӣ, густариши имкониятҳои сармоягузорӣ, истифодаи технологияҳои муосир ва таҳкими ҳамкории соҳибкорон бо сохторҳои давлатӣ баррасӣ гардиданд.
Дар фарҷом иштирокчиён вобаста ба беҳтар намудани фазои соҳибкорӣ ва тақвияти тадбирҳои дастгирии соҳибкорон пешниҳодҳои мушаххас манзур намуданд.
Марзия САИДЗОДА,
АМИТ «Ховар»
АКС:АМИТ «Ховар»
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
Дар шаҳри Бангкок мулоқоти вазирони молия ва раисони бонкҳои марказии кишварҳои Осиёи Марказӣ ва Қафқоз баргузор шуд
