Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
ДУШАНБЕ, 15.10.2026 /АМИТ «Ховар»/. 14 октябр дар шаҳри Рими Ҷумҳурии Италия дар доираи Форуми ҷаҳонии озуқаворӣ – 2026 таҳти унвони «Як кишвар — як маҳсулоти афзалиятнок» ҳамоиш баргузор гардид, ки дар он намояндаи Тоҷикистон иштрок намуд.
Тавре ба АМИТ «Ховар» аз Вазорати кишоварзии Ҷумҳурии Тоҷикистон иттилоъ доданд, дар ҳамоиш рушди устувори соҳаи кишоварзӣ, муайян намудани маҳсулоти афзалиятноки ҳар як давлат, баланд бардоштани иқтидори истеҳсолӣ ва густариши имкониятҳои содиротии маҳсулоти кишоварзӣ баррасӣ гардиданд.
Ҳамчунин 13 октябр дар Форуми сармоягузории «Даст ба даст» Вазири кишоварзии Ҷумҳурии Тоҷикистон Қурбон Ҳакимзода доир ба амнияти озуқаворӣ дар минтақа ва ҷаҳон, таъсири болоравии нархи маҳсулоти озуқаворӣ ба бозорҳои истеъмолӣ, ҷалби сармоягузорӣ ба соҳаи кишоварзӣ, истифодаи самараноки захираҳои обу замин, инчунин амалӣ намудани технологияҳои муосири нигоҳдорӣ ва коркарди маҳсулоти кишоварзӣ сухан намуд.
Инчунин иштирокчиён доир ба густариши ҳамкории байналмилалӣ, таҳкими шарикии давлат ва бахши хусусӣ, афзоиши иқтидори истеҳсолии соҳаи кишоварзӣ ва фароҳам овардани шароити мусоид барои роҳ ёфтани маҳсулоти кишоварзии ватанӣ ба бозорҳои байналмилалӣ мубодилаи афкор намуданд.
Гуфта шуд, ки иштироки Ҷумҳурии Тоҷикистон дар форуми сатҳи баланд барои муаррифии имкониятҳои сармоягузории соҳаи кишоварзии мамлакат, таҳкими ҳамкорӣ бо шарикони байналмилалӣ ва ҷалби сармояи хориҷию дохилӣ ба рушди устувори соҳа аҳамияти муҳим дорад.
Дар доираи ин форум вохӯрии Вазири кишоварзии Ҷумҳурии Тоҷикистон Қурбон Ҳакимзода бо мудири кулли Барномаи озуқавории ҷаҳонӣ Карл Скау ва Мудири кулли Созмони озуқаворӣ ва кишоварзии Созмони Милали Муттаҳид Тсюй Дунъюй баргузор гардид.
Зимни вохӯрӣ ҷонибҳо масъалаҳои рушди ҳамкории дуҷониба дар соҳаи кишоварзиро мавриди баррасӣ қарор доданд. Дар рафти вохӯрӣ Тсю Донгюй барои дар сатҳи баланд баргузор намудани Конфронси 35-уми минтақавии Созмони озуқаворӣ ва кишоварзии Созмони Милали Муттаҳид барои Аврупо ва Осиёи Марказӣ, ки аз 11 то 15 майи соли 2026 дар шаҳри Душанбе доир шуд, ба Президенти Ҷумҳурии Тоҷикистон муҳтарам Эмомалӣ Раҳмон изҳори сипос намуд.
АКС: Вазорати кишоварзии Ҷумҳурии Тоҷикистон
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар шаҳри Бангкок мулоқоти вазирони молия ва раисони бонкҳои марказии кишварҳои Осиёи Марказӣ ва Қафқоз баргузор шуд
РӮЗИ БАЙНАЛМИЛАЛИИ ЗАНОНИ ДЕҲОТ. Дар Тоҷикистон беш аз 3 миллион занон дар деҳот зиндагӣ менамоянд
ИМРӮЗ-РӮЗИ КИШОВАРЗОН. Ин соҳа зиёда аз 61 фоизи аҳолиро бо ҷойи кор фаро гирифтааст
Дар доираи Форуми тиҷоратии «New Silk Way» роҳбарони роҳи оҳани Тоҷикистон ва Қазоқистон вохӯрӣ намуданд
Мораторий ба санҷиши субъектҳои соҳибкории хурду миёна то 1 январи соли 2029 тамдид карда мешавад
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
