Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид

ДУШАНБЕ, 19.10.2026 /АМИТ «Ховар»/. То 1 октябри соли 2026 кишоварзони вилояти Суғд ба маблағи 21 миллиарду 51,7 миллион сомонӣ маҳсулот истеҳсол кардаанд, ки нисбат ба ҳамин давраи соли 2025 109,6 фоиз зиёд аст. Дар ин давра афзоиши назаррас дар соҳаҳои растанипарварӣ ва чорводорӣ, аз ҷумла истеҳсоли гӯшту шир ва бунёди боғҳои нав ба қайд гирифта шуд.

Тибқи иттилои Хадамоти матбуоти раиси вилояти Суғд, дар ин давра дар ҳамаи шаклҳои хоҷагидорӣ ҳаҷми истеҳсоли сабзавот 608148,8 тонна, аз ҷумла пиёз 198456,5 тонна, картошка 584707 тонна, полезӣ 171345,7 тонна, ангур 61600,5 тонна, мевагиҳо 182905,4 тонна, аз ҷумла зардолу 89804 тонна ва зироати хӯроки чорво 394824,9 воҳиди хӯрокаро ташкил дод.

Инчунин ҳаҷми истеҳсоли гӯшти чорвою паранда дар ҳамаи шаклҳои хоҷагидорӣ бо вазни зинда 74494,2 тонна, аз ҷумла гӯшти паранда 16985,1 тонна, моҳӣ 707,4 тонна, шир 260944,1 тонна, тухм 705,7 миллион дона, асал 1068,6 тонна, пашм 1698,1 тонна ва пилла 83,5 тоннаро ташкил намуда, суръати афзоиши истеҳсоли гӯшти чорвою паранда 122 фоиз, аз ҷумла гӯшти паранда 109,9 фоиз, моҳӣ 112 фоиз, шир 113 фоиз, тухм 101,3 фоиз, асал 102,3 фоиз, пашм 104,2 фоиз ва пилла 127,1 фоиз таъмин шудааст.

Ба ҳолати 1 октябри соли равон,  дар хоҷагиҳои кишоварзии вилоят 463,1 гектар боғу токзори нав, аз ҷумла 439,5 гектар боғ ва 23,6 гектар токзор бунёд карда шудааст.

Ҳамзамон барқароркунии боғу токзор дар масоҳати 826,1 гектар, аз ҷумла 779,4 гектар боғ ва 46,7 гектар токзори кӯҳна гузаронида шудааст.

АКС: АМИТ «Ховар»