Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
ДУШАНБЕ, 02.10.2026 /АМИТ «Ховар»/. Донишгоҳи техникии Тоҷикистон ба номи академик Муҳаммад Осимӣ дар самти таҳкими мавқеи байналмилалӣ ба дастоварди нав ноил шуда, нахустин маротиба ба раддабандии ҷаҳонии донишгоҳҳои сабз — UI GreenMetric World University Rankings дохил гардид, хабар доданд ба АМИТ «Ховар» аз донишгоҳ.
Ин дастовард натиҷаи тадбирҳои пайвастаи донишгоҳ дар самти баланд бардоштани сифати таълиму тарбия, рушди фаъолияти илмиву таҳқиқотӣ, такмили инфрасохтор, густариши ҳамкории байналмилалӣ, рақамикунонӣ ва татбиқи ҳадафҳои рушди устувор мебошад.
Донишгоҳ дар ин раддабандии байналмилалӣ якумин маротиба иштирок намуда, аз байни муассисаҳои таҳсилоти олии Тоҷикистон, ки дар UI GreenMetric муаррифӣ шуданд, ҷойи 3-юмро ишғол намуд. Ин натиҷа барои донишгоҳ, ба хусус бо назардошти иштироки нахустин дар раддабандӣ дар самти рушди минбаъдаи инфрасохтори устувор ва тақвияти мавқеи байналмилалӣ қадами муҳим ба ҳисоб меравад.
UI GreenMetric фаъолияти муассисаҳои таҳсилоти олиро аз рӯйи нишондиҳандаҳои марбут ба устувории экологӣ, истифодаи захираҳо, таълиму таҳқиқот ва идоракунии донишгоҳ арзёбӣ менамояд.
Дохил гардидан ба UI GreenMetric барои муассисаҳои таҳсилоти олӣ на танҳо нишондиҳандаи ҳузури байналмилалӣ, балки имконияти муҳим барои арзёбии вазъи кунунӣ ва муайян намудани самтҳои минбаъдаи рушди устувор мебошад.
Иштирок дар чунин низоми байналмилалӣ ба Донишгоҳи техникӣ имкон медиҳад, ки таҷрибаи худро бо донишгоҳҳои давлатҳои гуногун муқоиса намуда, барои истифодаи самараноки энергия ва об, идоракунии партовҳо, рушди нақлиёти устувор, беҳтар намудани муҳити донишгоҳӣ, тақвияти таҳқиқоти илмӣ ва рақамикунонии идоракунӣ барномаҳои нав ба роҳ монад.
Донишгоҳ дар якчанд раддабандиҳо ва низомҳои арзёбии байналмилалии муассисаҳои таҳсилоти олӣ муаррифӣ гардида, барои беҳтар намудани нишондиҳандаҳо тадбирҳои пайваста меандешад. Ишғоли ҷойи 3-юм дар байни донишгоҳҳои Тоҷикистон дар UI GreenMetric дар нахустин соли иштирок дастоварди муҳим ва ҳамзамон масъулияти бештар барои беҳтар намудани нишондиҳандаҳо дар солҳои оянда мебошад.
АКС: Донишгоҳи техникии Тоҷикистон ба номи академик Муҳаммад Осимӣ








Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд






