Намояндагони Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ иштирок намуданд
ДУШАНБЕ, 14.10.2026 /АМИТ «Ховар»/. Ҳайати Ҷумҳурии Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ бо муовини директори идоракунандаи Хазинаи байналмилалии асъор (ХБА) Бо Ли иштирок намуд, иттилоъ медиҳад АМИТ «Ховар» бо истинод ба Бонки миллии Тоҷикистон.
Зимни муҳокимарониҳо иштирокдорони ҳамоиш оид ба рушди иқтисодиёти кишварҳои минтақа, суботи макроиқтисодӣ, нигаҳдории таваррум, устувории низоми молиявӣ, таъмини суботи нархҳо, идоракунии самараноки пардохтпазирӣ ва дигар масъалаҳои афзалиятноки сиёсати иқтисодию молиявӣ табодули назар карданд.
Ҳайати Ҷумҳурии Тоҷикистон оид ба диверсификатсияи содирот, таҳкими амнияти энергетикӣ ва озуқаворӣ, рушди истеҳсолоти ватанӣ, истифодаи технологияҳои нав ва густариши ҳамкории минтақавӣ маълумот доданд.
Дар ҳамоиш густариши ҳамкории минтақавӣ ҳамчун омили муҳимми истифодаи самараноки иқтидори иқтисодӣ арзёбӣ гардид. Иброз гардид, ки идомаи муколамаи мунтазам байни кишварҳои минтақа ва Хазинаи байналмилалии асъор дар таъмини суботи молиявӣ ва рушди устувори иқтисодӣ нақши назаррас дорад.
Хотиррасон мекунем, ки ҳайати Ҷумҳурии Тоҷикистон дар мулоқоти мазкур аз Вазири молияи ҷумҳурӣ Файзиддин Қаҳҳорзода, Раиси Бонки миллии Тоҷикистон Фирдавс Толибзода ва Намояндаи доимии Ҷумҳурии Тоҷикистон дар Хазинаи байналмилалии асъор ва Бонки ҷаҳонӣ Пайрав Амирзода иборат аст.
АКС: Бонки миллии Тоҷикистон
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
