Натиҷаҳои рушди иқтисодии Тоҷикистон дар Таиланд муаррифӣ гардиданд
ДУШАНБЕ, 16.10.2026 /АМИТ «Ховар»/. 15 октябр дар шаҳри Бангкоки Подшоҳии Таиланд дар доираи ҷаласаҳои солонаи Гурӯҳи Бонки ҷаҳонӣ ва Хазинаи байналмилалии асъор ҷаласаи кишварҳои аъзои электорати ин ниҳодҳои бонуфузи байналмилалии молиявӣ баргузор шуданд, ки дар он Вазири молияи Ҷумҳурии Тоҷикистон Файзиддин Қаҳҳорзода ва Раиси Бонки миллии Тоҷикистон Фирдавс Толибзода иштирок намуданд.
Тибқи иттилои Вазорати молияи ҷумҳурӣ, дар ҷаласа масъалаҳои рушди минбаъдаи фаъолияти электорат ва густариши ҳамкорӣ байни мамлакатҳои аъзо мавриди баррасӣ қарор гирифтанд. Иштирокчиён оид ба афзалияти муштарак ва роҳҳои тақвияти ҳамкорӣ бо Бонки ҷаҳонӣ ва Хазинаи байналмилалии асъор барои дастгирии рушди устувори иқтисодӣ табодули афкор намуданд.
Ҷониби Тоҷикистон оид ба вазъи макроиқтисодӣ ва натиҷаҳои рушди иқтисодии ҷумҳурӣ маълумоти муфассал пешниҳод намуда, афзалияти сиёсати иқтисодию молиявӣ ва самтҳои ҳамкории минбаъдаро муаррифӣ кард. Дар ин замина, аҳамияти ҳамкории зич бо мамлакатҳои аъзои электорат ва ниҳодҳои молиявии байналмилалӣ барои татбиқи афзалияти рушди Тоҷикистон таъкид шуд.
Ҳамзамон дар ин рӯз Вазири молия Файзиддин Қаҳҳорзода бо Вазири иқтисод ва дороии Ҷумҳурии Исломии Эрон Сайид Алӣ Маданизода вохӯрӣ намуд. Ҷонибҳо оид ба дурнамои ҳамкории тиҷоратию иқтисодии ду мамлакат ва имконияти густариши он мубодилаи афкори судманд намуданд.
АКС: Вазорати молияи Ҷумҳурии Тоҷикистон
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
