Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
ДУШАНБЕ, 15.10.2026 /АМИТ «Ховар»/. 14 октябр дар Институти зироаткории Академияи илмҳои кишоварзии Тоҷикистон машварати илмӣ-амалӣ минтақавӣ таҳти унвони «Технологияҳои инноватсионии парвариши гандуми тирамоҳӣ ва пахта дар шароити тағйирёбии иқлим» бо иштироки муовини Сарвазири мамлакат Сулаймон Зиёзода баргузор гардид.
Тавре аз Вазорати кишоварзии Ҷумҳурии Тоҷикистон ба АМИТ «Ховар» иттилоъ доданд, ҳадафи асосии ин ҳамоиш баррасии роҳҳои муосири баланд бардоштани ҳосилнокии гандуми тирамоҳӣ ва пахта, амалӣ намудани технологияҳои инноватсионӣ, истифодаи самараноки захираҳои обу замин ва мутобиқ намудани соҳаи кишоварзӣ ба шароити тағйирёбии иқлим мебошад.
Дар ин рӯз иштирокчиён доир ба истифодаи дастовардҳои илмӣ дар истеҳсолот, амалӣ намудани технологияҳои сарфакунандаи об, такмили усулҳои агротехникии парвариши зироати кишоварзӣ ва таъмини амнияти озуқавории ҷумҳуриро мавриди баррасӣ қарор доданд.
Гуфта шуд, ки Институти зироаткории Академияи илмҳои кишоварзии Тоҷикистон ба масъалаи таҳкими ҳамкории илм бо истеҳсолот таваҷҷуҳи махсус зоҳир менамояд. Хоҷагидорон метавонанд, дар асоси шартнома тухмии хушсифати навъҳои гуногуни зироати кишоварзиро дастрас намуда, бо дастовардҳои илмӣ, фаъолияти озмоишӣ ва таҷрибаи олимони институт аз наздик шинос шаванд.
Мутахассисон омоданд, ки барои интихоби навъҳои мувофиқ, истифодаи тухмии хушсифат, риояи қоидаҳои агротехникӣ ва татбиқи технологияҳои муосири парвариш тавсияҳои илмӣ пешниҳод намоянд. Зеро ҳамкории пайвастаи олимону кишоварзон яке аз омилҳои муҳимми баланд бардоштани ҳосилнокӣ, беҳтар намудани сифати маҳсулот ва таъмини рушди устувори соҳаи кишоварзӣ ба ҳисоб меравад.
Дар идома иштирокчиён бо фаъолияти илмӣ-таҳқиқотӣ ва дастовардҳои Институти зироаткорӣ шинос шуданд.
АКС: Вазорати кишоварзии Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
Дар шаҳри Бангкок мулоқоти вазирони молия ва раисони бонкҳои марказии кишварҳои Осиёи Марказӣ ва Қафқоз баргузор шуд
