Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
ДУШАНБЕ, 19.10.2026 /АМИТ «Ховар»/. Дар доираи иштироки ҳайати Ҷумҳурии Тоҷикистон дар ҷаласаи 17-уми Конфронси Тарафҳои Конвенсия оид ба гуногунии биологӣ (CBD COP17) дар шаҳри Ереван мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Вазири муҳити зисти Ҷумҳурии Арманистон Амбарсум Матевосян доир гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Ҷонибҳо тақвияти ҳамкорӣ дар ҳифз ва барқарорсозии экосистемаҳо, ҳифз ва мониторинги гуногунии биологӣ, ҳамкории илмӣ-техникӣ ва идоракунии устувори захираҳои биологиро баррасӣ карданд.
Раиси Кумита Баҳодур Шерализода ба ҷониби Арманистон дар бораи ташаббусҳои калидии Тоҷикистон дар соҳаҳои иқлим, захираҳои об ва ҳифзи пиряхҳо, ки дар доираи ташаббусҳои ҷаҳонии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо дастгирии ҷомеаи ҷаҳонӣ ва Созмони Милали Муттаҳид амалӣ карда мешаванд, маълумот дод.
Дар мулоқот аҳамияти ҳамоҳангсозии талошҳо дар сатҳҳои минтақавӣ ва ҷаҳонӣ таъкид карда шуд. Вазири муҳити зисти Арманистон Амбарсум Матевосян ташаббусҳои раёсати CBD COP17-и Арманистонро муаррифӣ карда, оид ба аҳамияти мубодилаи таҷриба ва қадамҳои амалии муштарак сухан гуфт.
Ҷонибҳо уҳдадории худро барои рушди минбаъдаи ҳамкории дуҷониба, тақвияти робитаҳои илмӣ-техникӣ ва татбиқи лоиҳаҳои муштарак тасдиқ карданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
Дар Душанбе Фестивали занбӯрпарварон, намоиш ва фурӯши асал баргузор шуд
