Ҳайати парлумонии Тоҷикистон дар ҷаласаи 61-уми пленарии Ассамблеяи байнипарламентии ИДМ иштирок менамояд

Ноябрь 19, 2026 15:47

ДУШАНБЕ, 19.11.2026 /АМИТ «Ховар»/. Ҳайати парлумонии Маҷлиси намояндагон таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода барои иштирок дар ҷаласаи Шуро ва ҷаласаи 61-уми пленарии Ассамблеяи байнипарламентии кишварҳои аъзои Иттиҳоди Давлатҳои Мустақил ба шаҳри Авазаи Туркманистон  сафар намуд. Дар ин хусус АМИТ «Ховар» бо истинод ба Маҷлиси намояндагон хабар медиҳад.

Дар доираи он имрӯз Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Раиси Маҷлиси Туркманистон Дунёгузел Гулманова вохӯрӣ намуд.

Файзалӣ Идизода иброз намуд, ки баргузории муваффақонаи иҷлосияи 61-уми пленарии Ассамблеяи байнипарлумонии кишварҳои аъзои Иттиҳоди Давлатҳои Мустақил қадами бузург дар роҳи таҳкими ҳамкорӣ ва робитаҳои байнипарлумонӣ хоҳад буд.

Маҷлиси намояндагони Маҷлиси Олии Ҷумҳурии Тоҷикистон барои ҳамкории созанда ва дастгирии ташаббусҳои ҳамтоёни туркмани худ, ки ба рушди ҳамкорӣ байни кишварҳои аъзои Иттиҳоди Давлатҳои Мустақил равона шудааст, изҳори омодагӣ менамояд.

Таъкид карда шуд, ки ба табодули таҷриба дар самти такмили қонунгузорӣ, барқарор намудани робитаҳои доимӣ байни гурӯҳҳои дӯстӣ ва ҳамкории байнипарлумонӣ, инчунин арзёбии самаранокии раванди қонунгузорӣ таваҷҷуҳи махсус зоҳир кардан зарур аст.

«Мо муҳим мешуморем, ки ҳамкориро дар соҳаҳои маориф, илм, фарҳанг ва сиёсати ҷавонон боз ҳам густариш дода, робитаҳои мустақимро байни муассисаҳои таълимӣ ва илмӣ инкишоф диҳем ва ташаббусҳои муштараки фарҳангию маърифатиро дастгирӣ намоем», — изҳор дошт Файзалӣ Идизода.

 АКС: Маҷлиси намояндагони Маҷлиси Олии Ҷумҳурии Тоҷикистон

Ноябрь 19, 2026 15:47

Хабарҳои дигари ин бахш

Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ИҶЛОСИЯИ XVI ШУРОИ ОЛӢ ВА РӮЗИ ПРЕЗИДЕНТ. Таҳлили ҳуқуқии мафҳумҳои конститутсионӣ ва таърихии давлатдорӣ
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд