Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
ДУШАНБЕ, 19.11.2026 /АМИТ «Ховар»/. Дар доираи ҷаласаи 45-уми пленарии Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм байни Департаменти мониторинги молиявии назди Бонки миллии Тоҷикистон ва Хадамоти федералии мониторинги молиявии Федератсияи Русия ду санади ҳамкорӣ ба имзо расид.
Тавре ба АМИТ «Ховар» аз Бонки миллии Тоҷикистон иттилоъ доданд, ин санадҳо ба рушди ҳамкории дуҷониба, таҳкими заминаҳои ҳуқуқии ҳамкорӣ ва густариши ҳамкории мутақобил дар самти муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм равона гардидаанд.
18 ноябр ҷаласаи муштараки Гурӯҳи корӣ оид ба баҳодиҳии мутақобил ва масъалаҳои ҳуқуқӣ, Гурӯҳи корӣ оид ба типологияҳо ва мубориза бо маблағгузории терроризм ва Гурӯҳи корӣ оид ба мусоидати техникӣ баргузор гардид.
Ҳамчунин 18 ноябр намоиши Шурои роҳбарони воҳидҳои иктишофии молиявӣ баргузор гардид. Дар он таҳдидҳои муосир ба амнияти молиявӣ дар фазои Авруосиё, аз ҷумла қаллобӣ, гардиши ғайриқонунии маводи мухаддир ва маблағгузории терроризм мавриди баррасӣ қарор гирифтанд.
Иштирокчиёни ҷаласа доир ба масъалаҳои мубрами таъмини амнияти молиявӣ, мубодилаи иттилоот ва таҷрибаи пешқадам, инчунин роҳҳои таҳкими ҳамкории мақомоти салоҳиятдори давлатҳои минтақа дар самти ошкор ва пешгирии таҳдидҳои молиявӣ мубодилаи афкор намуданд.
Дар ин рӯз ҷаласаи 33-юми Шурои роҳбарони воҳидҳои иктишофии молиявӣ низ баргузор гардид. Дар он масъалаҳои марбут ба фаъолияти Шуро, таҳкими ҳамкории воҳидҳои иктишофии молиявии давлатҳои аъзо, мубодилаи иттилоот ва ҳамоҳангсозии талошҳои муштарак дар самти муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм баррасӣ карда шуданд.
АКС: Бонки миллии Тоҷикистон








Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
ҚУРБИ АСЪОР: 1 доллари ИМА аз 9.1400 то 9.2124 сомонӣ муқаррар гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд






