Дар Брюссел ҷаласаи XIII Кумитаи ҳамкории парламентии Ҷумҳурии Тоҷикистон ва Иттиҳоди Аврупо доир шуд

Ноябрь 20, 2026 14:56

ДУШАНБЕ, 20.11.2026 /АМИТ «Ховар»/. 19 ноябр дар шаҳри Брюссел ҷаласаи XIII Кумитаи ҳамкории парламентии Ҷумҳурии Тоҷикистон ва Иттиҳоди Аврупо баргузор гардид. Дар ин хусус ба АМИТ «Ховар» аз Маҷлиси намояндагони Маҷлиси Олии Ҷумҳурии Тоҷикистон хабар доданд.

Дар ин нишаст ҳайати Парламенти Ҷумҳурии Тоҷикистонро муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ ва ҷониби Парламенти Иттиҳоди Аврупоро Ҷузеппина Принчи, Раиси ҳайати Парлумони Иттиҳоди Аврупо оид ба равобит бо Осиёи Марказӣ ва Муғулистон роҳбарӣ карданд.

Зимни ҷаласаи навбатӣ ҳамкории Ҷумҳурии Тоҷикистону Иттиҳоди Аврупо дар доираи абзори байнипарлумонӣ баррасӣ гардида, ҷонибҳо масъалаҳои марбут ба вазъи кунунӣ дар сиёсати ҷаҳонӣ бо таваҷҷуҳ ба Созишномаи тавсеаи шарикӣ ва ҳамкорӣ (EPCA) ва муносибатҳои тиҷоративу иқтисодии Иттиҳоди Аврупо ва Тоҷикистон, робитаҳои фарҳангию иҷтимоӣ, мубориза бо таҳдидҳои амниятӣ, сиёсати муҳити зист, ҳамкорӣ дар соҳаи обу энергетика, соҳаҳои алоқа, нақлиёт, инфрасохтор, ҳуқуқи инсон ва волояти қонунро баррасӣ намуданд.

Мавсума Муинӣ иброз намуд, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон пайваста ба тавсеаи ҳамкории ҳамаҷониба бо Иттиҳоди Аврупо аҳаммияти махсус зоҳир менамоянд. Тоҷикистон Иттиҳоди Аврупоро шарики муҳимми байналмилалии худ дониста, саъй мекунад, ки ҳамкории дарозмуддат ва устуворро дар асоси принсипҳои мутақобили муфид инкишоф диҳад.

Таъкид карда шуд, ки муҳокимарониҳои имрӯзa далели равшани рушди босубот ва мутақобили судманди муносибатҳои Ҷумҳурии Тоҷикистон ва Иттиҳоди Аврупо мебошадн. Аз ин бармеояд, ки ҳамкории сиёсӣ, иқтисодӣ, иҷтимоӣ ва фарҳангии ду ҷониб сол то сол таҳким ёфта, воқеан ба манфиати мардумони мо равона гардидаанд.

Шарикии Тоҷикистон ва Иттиҳоди Аврупо дорои дурнамои равшан буда, дар асоси манфиатҳои муштарак ва ҳадафҳои созанда дар оянда боз ҳам қавитар хоҳад шуд. Доир ба масъалаҳои баррасишуда қарорҳои дахлдор қабул шуданд.

АКС: Маҷлиси намояндагони Маҷлиси Олии Ҷумҳурии Тоҷикистон

Ноябрь 20, 2026 14:56

Хабарҳои дигари ин бахш

Файзалӣ Идизода дар мулоқоти Гурбонгулӣ Бердимуҳамедов бо роҳбарони ҳайатҳои парлумонии кишварҳои ИДМ иштирок намуд
Дар Тоҷикистон ҳаҷми Маҷмуи маҳсулоти дохилӣ 18,4 миллиард сомонӣ зиёд гардид
Ҳайати парлумонии Тоҷикистон дар ҷаласаи 61-уми пленарии Ассамблеяи байнипарламентии ИДМ иштирок менамояд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ИҶЛОСИЯИ XVI ШУРОИ ОЛӢ ВА РӮЗИ ПРЕЗИДЕНТ. Таҳлили ҳуқуқии мафҳумҳои конститутсионӣ ва таърихии давлатдорӣ
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид