Дар доираи ҷаласаи 45-уми пленарии ГАО ҳамоиш баргузор гардид

Ноябрь 18, 2026 10:10

ДУШАНБЕ, 18.11.2026 /АМИТ «Ховар»/. 17 ноябр дар доираи ҷаласаи 45-уми пленарии Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм (ГАО) таҳти унвони «Татбиқи муносибати ба хавф нигаронидашуда дар фаъолияти назоратӣ: моделҳои баҳодиҳии хавфҳои миллӣ (таҷрибаи давлатҳои аъзои ГАО)» ҳамоиш доир шуд. Дар ин хусус ба АМИТ «Ховар» аз Бонки миллии Тоҷикистон иттилоъ доданд.

Ҳадафи баргузории ҳамоиш табодули таҷрибаи пешқадам ва баррасии усулҳои татбиқи муносибати ба хавф нигаронида дар мониторинги фаъолияти муассисаҳои молиявӣ, провайдерҳои хизматрасонии дороиҳои маҷозӣ ва субъектҳои муайяншудаи ғайримолиявӣ бо назардошти хавфҳои миллӣ, соҳавӣ ва институтсионалӣ мебошад.

Дар кори ҳамоиш масъалаҳои татбиқи муносибати ба хавф нигаронида ва стандартҳои Гурӯҳи татбиқи чораҳои молиявии мубориза бо пулшӯӣ (ФАТФ), таҷрибаи амалӣ дар самти фаъолияти назоратӣ ва такмили низоми назорати бонкҳову ташкилоти молиявии ғайрибонкӣ мавриди баррасӣ қарор гирифтанд.

Ҳамчунин 17 ноябр ҳамоиш таҳти унвони «Масъалаҳои мубрами инъикоси мавзуи амнияти молиявӣ дар минтақаи Авруосиё» ва Маҷлиси умумии иштирокдорони Ассотсиатсияи байналмилалии марказҳои таълимӣ-методии давлатҳои аъзои Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм баргузор гардид.

Иштирокдорони ҳамоиш масъалаҳои таҳкими ҳамкории давлатҳои аъзои Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм такмили низомҳои миллии муқовимат ба қонунигардонии даромадҳои бо роҳи ҷиноят бадастоварда ва маблағгузории терроризмро баррасӣ намуданд.

АКС: Бонки миллии Тоҷикистон

 

Ноябрь 18, 2026 10:10

Хабарҳои дигари ин бахш

Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
ҚУРБИ АСЪОР: 1 евро аз 9.9500 то 10.1259 сомонӣ муқаррар гардидааст
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
ҚУРБИ АСЪОР: 1 доллари ИМА аз 9.1400 то 9.2119 сомонӣ муқаррар гардидааст