Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд

Ноябрь 19, 2026 16:35

ДУШАНБЕ, 19.11.2026 /АМИТ «Ховар»/. Намояндагони мақомоти ҳифзи муҳити зисти Тоҷикистон, Умон ва Непал дар Павилиони Фонди ОПЕК, ки таҳти унвони «Таҳкими устувории иқлимӣ тавассути рушди инфрасохтори обӣ: таҷрибаи минтақаҳои кӯҳӣ, ҳавзаҳои дарёҳо ва минтақаҳои соҳилӣ» ҷаласаи мавзуӣ баргузор гардид, таҷрибаи амалӣ ва роҳҳои мутобиқшавӣ ба тағйирёбии иқлимро мубодила намуда, масъалаҳои идоракунии устувори захираҳои об ва рушди инфрасохтори ба тағйирёбии иқлим тобоварро мавриди баррасӣ қарор доданд.

Тавре ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд, иштирокчиёни ҷаласа таҷрибаи кишварҳои худро дар самти ҳалли мушкилоти мубрами марбут ба обу иқлим муаррифӣ карданд. Аз ҷумла, тадбирҳои пешгирӣ ва муҳофизат аз обхезиҳо дар Умон, масъалаҳои таъмини об ва обёрӣ дар Тоҷикистон, инчунин тағйирёбии низомҳои обии минтақаҳои кӯҳии Непал муҳокима гардиданд.

Ба масъалаҳои ҷалби маблағгузорӣ, густариши ҳамкории байналмилалӣ ва татбиқи роҳҳои ҳалли самарабахш барои рушди инфрасохтори устувори обӣ, ки ба оқибатҳои тағйирёбии иқлим тобовар бошад, таваҷҷуҳи махсус зоҳир гардид.

Таъкид шуд, ки сармоягузорӣ ба таъмини амнияти обӣ омили муҳими рушди устувор, ҳифзи манбаъҳои зиндагии аҳолӣ ва баланд бардоштани устувории иқлимии давлатҳо ба ҳисоб меравад.

Зимни ҷаласа зарурати муттаҳид намудани афзалияти миллӣ, захираҳои молиявӣ, таҷрибаи техникӣ ва шарикии байналмилалӣ барои таҳкими амнияти обӣ ва баланд бардоштани омодагии кишварҳо ба чолишҳои иқлимии оянда таъкид гардид.

Ёдовар мешавем, ки аз 9 то 20 ноябр дар шаҳри Анталияи Туркия Конфронси 31-уми тарафҳои Конвенсияи қолабии Созмони Милали Муттаҳид оид ба тағйирёбии иқлим (COP31) баргузор мегардад.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон

Ноябрь 19, 2026 16:35

Хабарҳои дигари ин бахш

Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад