Дар Душанбе ҷаласаи 45-уми пленарии ГАО оғоз шуд
ДУШАНБЕ, 17.11.2026 /АМИТ «Ховар»/. Дар шаҳри Душанбе ҷаласаи 45-уми пленарии Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм (ГАО) доир мегардад, иттилоъ медиҳад АМИТ «Ховар».
16 ноябр ҷаласаҳои Гурӯҳи корӣ оид ба баҳодиҳии мутақобил ва масъалаҳои ҳуқуқӣ, Гурӯҳи корӣ оид ба мусоидати техникӣ ва Гурӯҳи корӣ оид ба типологияҳо ва мубориза бо маблағгузории терроризм баргузор гардиданд.
Имрӯз мубоҳисаи панелӣ доир ба масъалаҳои мубрами инъикоси мавзуи амнияти молиявӣ дар минтақаи Авруосиё баргузор шуд. Ин ҷаласаҳо ба таҳкими ҳамкории давлатҳои аъзо ва ҳамоҳангсозии талошҳои муштарак дар самти муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм нигаронида шудаанд.
Ҳадафи асосии гурӯҳ мусоидат ба таҳкими низоми миллии муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дар давлатҳои аъзо ва минтақа мебошад.
Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм яке аз гурӯҳҳои минтақавии татбиқи чораҳои молиявӣ бар зидди пулшӯӣ буда, соли 2004 таъсис ёфтааст.
Ҷаласаи 45-уми пленарии Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм (ГАО) то 20 ноябр идома меёбад.
АКС: Бонки миллии Тоҷикистон








Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
ҚУРБИ АСЪОР: 1 доллари ИМА аз 9.1400 то 9.2119 сомонӣ муқаррар гардидааст
Дар КВД «Саноатсодиротбонк» бахшида ба Рӯзи Президенти Ҷумҳурии Тоҷикистон ҳамоиши тантанавӣ баргузор гардид
Тоҷикистон ният дорад то соли 2035 партовҳои газҳои гулхонаиро то 40 фоиз коҳиш диҳад
Рӯзи Президенти Тоҷикистон яке аз санаҳои муҳими тақвими сиёсию фарҳангии ҷумҳурӣ ба шумор меравад
Дар Фурудгоҳи байналмилалии Душанбе ба дастовардҳои даврони соҳибистиқлолии Тоҷикистон арҷ мегузоранд
АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид






