Дар Душанбе ҳамкории молиявии байналмилалӣ баррасӣ шуд

Ноябрь 20, 2026 09:33

ДУШАНБЕ, 20.11.2026 /АМИТ «Ховар»/. Масъалаҳои рушди ҳамкории молиявии байналмилалӣ, таъмини дастрасӣ ба хизматрасониҳои байналмилалӣ ва таҳкими инфрасохтори интиқоли асъори нақдӣ 18 ноябр зимни вохӯрии  Раиси Бонки миллии Тоҷикистон Фирдавс Толибзода бо директори иҷроияи Муассисаи молиявии амрикоии «Numisma Bank» Вивек Тияги мавриди баррасӣ қарор гирифтанд.

Тавре ба АМИТ «Ховар» аз Бонки миллии Тоҷикистон иттилоъ доданд, дар вохӯрӣ ҷонибҳо доир ба имконияти истифодаи иқтидори ин муассиса дар самти такмили амалиёти асъорӣ ва рушди имконияти хизматрасонии байналмилалӣ мубодилаи афкор намуданд.

Таъкид шуд, ки тақвияти ҳамкорӣ бо чунин муассисаҳои молиявии байналмилалӣ метавонад ба таҳкими инфрасохтори молиявӣ, баланд бардоштани самаранокии амалиёти асъорӣ ва тавсеаи имконоти пардохтҳои фаромарзӣ мусоидат намояд.

«Numisma Bank» дар Иёлоти Муттаҳидаи Амрико муассисаи молиявии махсус буда, фаъолияти асосии он ба хариду фурӯши яклухт ва интиқоли байналмилалии пули нақд бо асъори хориҷӣ, аз ҷумла доллари амрикоӣ, евро ва дигар асъори асосии байналмилалӣ равона карда шудааст. Бонк хизматрасониҳои худро асосан ба бонкҳои марказӣ, бонкҳои тиҷоратӣ ва дигар муассисаҳои молиявӣ пешниҳод менамояд.

АКС: Бонки миллии Тоҷикистон

Ноябрь 20, 2026 09:33

Хабарҳои дигари ин бахш

ҚУРБИ АСЪОР: 1 доллари ИМА аз 9.1500 то 9.2128 сомонӣ муқаррар гардидааст
Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
ҚУРБИ АСЪОР: 1 доллари ИМА аз 9.1400 то 9.2124 сомонӣ муқаррар гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад