Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд

Ноябрь 19, 2026 11:12

ДУШАНБЕ, 19.11.2026 /АМИ «Ховар»/. Зимни гузаронидани чорабиниҳои оперативӣ дар ҳудуди Фурудгоҳи байналмилалии Душанбе аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ сокини шаҳри Душанбе Рафоат Юлдашева бо гумони интиқоли ғайриқонунии маснуоти тиллоӣ аз хориҷи мамлакат боздошт карда шуд, хабар медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.

Зимни санҷиш аз номбурда маснуоти тиллоӣ- гарданбанд, дастбанд, гӯшвора ва дигар маснуоти тиллоӣ бо вазни умумии беш аз 3500 грамм дарёфт ва мусодира гардид.

Муайян карда шуд, ки шаҳрванд Рафоат Юлдашева маснуотро аз шаҳри Истанбули Ҷумҳурии Туркия бо роҳнамоии шахсон бо номи Сайёра ва Алӣ тавассути хатсайри Истанбул–Боку–Душанбе ба таври пинҳонӣ ва бо роҳи пинҳон намудан дар бадани худ ғайриқонунӣ ба Ҷумҳурии Тоҷикистон ворид намудааст.

Тибқи маълумотномаи ташхисии Хадамоти назорати давлатии иёргирии назди Вазорати молияи Ҷумҳурии Тоҷикистон аз 9 ноябри соли равон, маснуоти пешниҳодгардида аз металли тиллои зард буда, дорои иёри 585 мебошад. Шумораи умумии он 1037 адад ва вазни умумӣ 3555,48 граммро ташкил дода, арзиши он 2 миллиону 647 ҳазору 720 сомонию 19 дирам муайян карда шудааст.

Ҳамзамон муайян гардид, ки шаҳрванд Рафоат Юлдашева барои анҷом додани фаъолият вобаста ба муомилот ва фурӯши металлҳои қиматбаҳо ва сангҳои қиматбаҳо иҷозатномаи махсуси мақомоти дахлдорро надорад.

Доир ба ин ҳолат нисбат ба шаҳрванд Рафоат Юлдашева ва дигарон бо моддаи 289 қисми 2 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуд.

АКС: Хадамоти гумруки назди Ҳукумати Ҷумҳурии Тоҷикистон

Ноябрь 19, 2026 11:12

Хабарҳои дигари ин бахш

Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид