Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид

Ноябрь 16, 2026 15:23

ДУШАНБЕ, 16.11.2026 /АМИТ «Ховар»/. Имрӯз дар Маҷлиси намояндагони Маҷлиси Олии Ҷумҳурии Тоҷикистон бахшида ба Рӯзи Президенти Ҷумҳурии Тоҷикистон ҳамоиши тантанавӣ баргузор гардид. Дар ин хусус ба АМИТ «Ховар» аз Маҷлиси намояндагон хабар доданд.

Дар ҳамоиш иброз гардид, ки Рӯзи Президент дар таърихи Тоҷикистони соҳибистиқлол ҳамчун санаи муҳимми сиёсиву давлатӣ мавқеи хос дошта, таҷассумгари эҳтиром ба арзишҳои давлатдории миллӣ, истиқлолу озодӣ, сулҳу субот ва ваҳдати ҷомеа мебошад.

Дар даврони соҳибистиқлолӣ заминаҳои ташаккули низоми идоракунии давлатӣ, фаъолияти мақомоти қонунгузор, иҷроия ва судӣ, инчунин дигар ниҳодҳои муҳимми давлатӣ рушд ёфтанд. Таъсиси Артиши миллӣ, ташаккули рамзҳои давлатӣ, ҷорӣ гардидани пули миллӣ ва таҳкими муносибатҳои байналмилалӣ аз ҷумлаи равандҳои муҳимми давлатсозӣ ба шумор мераванд.

Дар ин раванд саҳми Президенти Ҷумҳурии Тоҷикистон муҳтарам Эмомалӣ Раҳмон бо ташаббусҳои созандаву татбиқи сиёсати босамар барои таҳкими давлатдорӣ, барқарорсозии сулҳу субот, ваҳдати миллӣ, рушди иқтисодию иҷтимоӣ ва густариши робитаҳои хориҷӣ ниҳоят бузург аст.

Дар даврони соҳибистиқлолӣ маҳз таҳти роҳбарии хирадмандонаву дурбинонаи Пешвои миллат муҳтарам Эмомалӣ Раҳмон пойдевори Тоҷикистони навин гузошта шуд ва бо меҳнати софдилонаву содиқонаи мардум ва фаъолияти созандаву ободгаронаи Президенти Тоҷикистон, Пешвои миллат муҳтарам Эмомалӣ Раҳмон дар Тоҷикистон барои ҳар фарди мамлакат зиндагии шоиста, рӯзгори обод ва ҷомеаи хушбахт бунёд карда шуд.

Хизматҳои шоёни Президенти Ҷумҳурии Тоҷикистон муҳтарам Эмомалӣ Раҳмонро мардуми шарафманди Тоҷикистон ҳамарӯза дар фароҳам овардани сулҳу суботи комил, ваҳдати миллӣ, бунёди давлати навини тоҷикон, рушди устувори ҳама соҳаҳо, ба хусус дар роҳи расидан ба ҳадафҳои стратегии миллию давлатӣ эҳсос менамоянд.

Ташаббусҳои башардӯстонаи Президенти Ҷумҳурии Тоҷикистон, ки ба тамоми аҳли башар нигаронида шудаанд, нақши бориз ва нуфузи Пешвои миллати моро ҳамчун абармарди ҷаҳони сиёсату инсони адолатпеша беш аз пеш дар арсаи ҷаҳон муассиру маҳбубтар мегардонанд.

АКС: Маҷлиси намояндагони Маҷлиси Олии Ҷумҳурии Тоҷикистон

Ноябрь 16, 2026 15:23

Хабарҳои дигари ин бахш

ИҶЛОСИЯИ XVI ШУРОИ ОЛӢ ВА РӮЗИ ПРЕЗИДЕНТ. Таҳлили ҳуқуқии мафҳумҳои конститутсионӣ ва таърихии давлатдорӣ
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд