Дар Минск имконоти сармоягузории Тоҷикистон муаррифӣ гардид

Ноябрь 20, 2026 15:21

ДУШАНБЕ, 20.11.2026 /АМИТ «Ховар»/. 19 ноябр бо ташаббуси Сафорати Тоҷикистон дар Беларус дар ҳамкорӣ бо Кумитаи иҷроияи ноҳияи Фрунзеи шаҳри Минск оид ба тақвияти робитаҳои иқтисодию тиҷоратӣ ва сармоягузорӣ байни  Ҷумҳурии Тоҷикистон ва Ҷумҳурии Беларус ҳамоиш баргузор гардид.

Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Беларус хабар доданд, дар чорабинӣ намояндагони сохторҳои давлатӣ, доираҳои соҳибкорию сармоягузории Беларус иштирок намуданд.

Зимни ҳамоиш имконоти иқтисодию сармоягузории Тоҷикистон, фазои мусоиди соҳибкорӣ, самтҳои афзалиятноки ҷалби сармояи хориҷӣ, инчунин имконияти рушди ҳамкории мутақобили судманд дар соҳаҳои саноат, кишоварзӣ, савдо, нақлиёт ва логистика муаррифӣ гардиданд.

Ҳамзамон масъалаи ба роҳ мондани лоиҳаи Хонаи савдои Тоҷикистон дар шаҳри Минск ҳамчун яке аз механизмҳои муҳимми густариши ҳамкории иқтисодию тиҷоратӣ, муаррифии молу маҳсулоти ватанӣ, пешбурди содироти Тоҷикистон ва фароҳам овардани заминаи мусоид барои ба бозори Беларус ворид гардидани маҳсулоти истеҳсолкунандагони тоҷик муаррифӣ гардид.

Зимнан зарурати таҳкими робитаҳои мустақими соҳибкорони ду мамлакат, дарёфти шарикони нави тиҷоратӣ, густариши ҳамкории истеҳсолӣ ва татбиқи лоиҳаҳои муштараки сармоягузорӣ таъкид гардид.

Дар фарҷоми чорабинӣ ҷонибҳо барои идомаи муколамаи созанда, таҳкими робитаҳо байни доираҳои соҳибкории Тоҷикистону Беларус ва андешидани тадбирҳои амалӣ барои истифодаи имконияти мавҷудаи ҳамкории иқтисодӣ изҳори омодагӣ намуданд.

АКС: Сафорати Ҷумҳурии Тоҷикистон дар Ҷумҳурии Беларус

Ноябрь 20, 2026 15:21

Хабарҳои дигари ин бахш

Дар Душанбе нашри олмонии китоби «Тоҷикон» муаррифӣ гардид
Сафири Тоҷикистон бо муовини Президенти Эрон вохӯрӣ намуд
Дар Москва бахшида ба 1050-солагии Робиаи Балхӣ конфронси байналмилалии илмӣ-амалӣ баргузор гардид
Консули генералии Тоҷикистон дар Екатеринбург бо муовини губернатори вилояти Курган мулоқот намуд
Дар Миср китоби «Тоҷикистон-гаҳвораи таърих ва тамаддун дар Мовароуннаҳр (Осиёи Марказӣ)» муаррифӣ гардид
Масоили рушди ҳамкорӣ дар соҳаҳои энергетика ва захираҳои об байни Тоҷикистону Умон баррасӣ гардид
Дар Санкт-Петербург вохӯрии намояндаи бахши тиҷоратии Тоҷикистону Русия баргузор гардид
Сафири Тоҷикистон бо устондори Ал-Осимаи Кувайт вохӯрӣ намуд
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Директори АМИТ «Ховар» бо Сафири Туркия дар Тоҷикистон вохӯрӣ намуд
Дурнамои рушди ҳамкории Тоҷикистону Умон дар самтҳои иқтисоду тиҷорат баррасӣ гардид
Сафири Тоҷикистон бо муовини парлумонии Вазири корҳои хориҷии Ҷопон мулоқот намуд