Дар Миср китоби «Тоҷикистон-гаҳвораи таърих ва тамаддун дар Мовароуннаҳр (Осиёи Марказӣ)» муаррифӣ гардид

Ноябрь 19, 2026 13:49

ДУШАНБЕ, 19.11.2026 /АМИТ «Ховар»/. Дар бинои Анҷумани омӯзишҳои таърихи Миср семинари илмӣ оид ба муаррифии китоби «Тоҷикистон — гаҳвораи таърих ва тамаддун дар Мовароуннаҳр (Осиёи Марказӣ)» доир гардид.

Тавре ба АМИТ «Ховар» аз Сафорати Тоҷикистон дар Миср хабар доданд, китоби мазкур навиштаи ду донишманди мисрӣ Рифъат Ҳусейн ва Вало Одил буда, бо ҳамкории Сафорат моҳи августи 2026 дар Қоҳира ба нашр расид ва мавриди истиқболи васеъ қарор гирифт.

Дар муаррифӣ таъкид гардид, ки китоб барои огоҳии мисриён ва умуман арабзабонҳо аз таъриху фарҳанг, арзишҳои миллӣ, урфу одат, давлатдории тоҷикон, нақшгузорӣ дар арсаи ҷаҳонӣ ва дастовардҳои замони истиқлол муҳим мебошад.

Муаллифи китоби «Тоҷикистон — гаҳвораи таърих ва тамаддун дар Мовароуннаҳр (Осиёи Марказӣ)» доктор Рифъат Ҳусейн, ки мутахассиси барҷастаи забону адабиёти форсӣ аст, ҳадафи таълифи китоб ва мазмуну муҳтавои ҳар боби онро шарҳ дода, ҳамзамон Тоҷикистонро мамлакати зебову дар ҳоли тараққӣ ва тоҷиконро миллати дорои таъриху фарҳанги ғанӣ барои ҳозирин муаррифӣ намуд.

Дар идома Раиси ширкати мисрии «Силикон Воҳа» Одил Дониш, ки яке аз муассисони Парки технологии Миср мебошад, оид ба таассуроти худ аз сафар ба Тоҷикистон ва ободиҳою пешравиҳои Тоҷикистон суҳбат намуд.

АКС: Сафорати Тоҷикистон дар Миср

Ноябрь 19, 2026 13:49

Хабарҳои дигари ин бахш

Масоили рушди ҳамкорӣ дар соҳаҳои энергетика ва захираҳои об байни Тоҷикистону Умон баррасӣ гардид
Дар Санкт-Петербург вохӯрии намояндаи бахши тиҷоратии Тоҷикистону Русия баргузор гардид
Сафири Тоҷикистон бо устондори Ал-Осимаи Кувайт вохӯрӣ намуд
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Директори АМИТ «Ховар» бо Сафири Туркия дар Тоҷикистон вохӯрӣ намуд
Дурнамои рушди ҳамкории Тоҷикистону Умон дар самтҳои иқтисоду тиҷорат баррасӣ гардид
Сафири Тоҷикистон бо муовини парлумонии Вазири корҳои хориҷии Ҷопон мулоқот намуд
Донишҷӯёни тоҷик дар Донишгоҳи Кувайт тавассути бурсия таҳсил менамоянд
Рӯзи Президенти Ҷумҳурии Тоҷикистон ва 15-солагии ифтитоҳи бинои Сафорат дар шаҳри Берлин таҷлил гардид
Сарвазири Покистон бо Вазири корҳои хориҷии Тоҷикистон вохӯрӣ намуд
Ҳайати Тоҷикистон дар ҷаласаи вазирони корҳои хориҷии Созмони ҳамкории иқтисодӣ иштирок намуд
Сафири Тоҷикистон бо Мудири кулли идораи амлок ва абнияи вазорати корҳои хориҷии Эрон вохӯрӣ намуд