Дар Москва ҷаласаи 11-уми Алянси Авруосиёии омбудсменҳо баргузор гардид

Ноябрь 17, 2026 15:00

ДУШАНБЕ, 17.11.2026 /АМИТ «Ховар»/. Аз 16 то 17 ноябр дар шаҳри Москваи Федератсияи Русия ҷаласаи 11-уми Алянси Авруосиёии омбудсменҳо баргузор гардид.

Тавре ба АМИТ «Ховар» аз ин мақомот иттилоъ доданд, дар ҳамоиш Ваколатдор оид ба ҳуқуқи инсон дар Ҷумҳурии Тоҷикистон Умед Бобозода дар ду мавзуъ — «Ҳифзи ҳуқуқҳои ҷавонон дар дар фазои маҷозӣ» ва «Ҳифзи ҳуқуқҳои шаҳрвандони Тоҷикистон, ки дар хориҷи мамлакат иқомат доранд» маъруза намуд.

Инчунин доир ба дастовардҳои Ҷумҳурии Тоҷикистон дар самти рақамикунонии босуръати соҳаҳои гуногун, санадҳои муҳими стратегӣ дар ҳифзи ҳуқуқи инсон, масъалаҳои муҳоҷирати меҳнатӣ ва дигар масоили мубрам ёдовар шуда, оид ба таҳкими ҳамкорӣ дар ин самтҳо пешниҳодҳои муфид манзур кард.

Дар ҷараёни ҷаласа масъалаи узвияти Ҷумҳурии Ироқ ва Ҷумҳурии Исломии Покистон ба сафи Алянси Авруосиёии омбудсменҳо мавриди баррасӣ қарор гирифт.
Дар доираи ҳамоиши сатҳи баланд Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо роҳбарони ниҳодҳои миллии ҳифзи ҳуқуқи инсони Федератсияи Русия, Малайзия, Ҷумҳурии Исломии Эрон ва Ҷумҳурии Қирғизистон вохӯриҳо анҷом дод. Зимни мулоқотҳо дурнамои ҳамкории дуҷониба ва ҳимояи ҳуқуқи шаҳрвандон баррасӣ гардид.

Ёдовар мешавем, ки Мақомоти Ваколатдор оид ба ҳуқуқи инсон дар Ҷумҳурии Тоҷикистон аз соли 2019 узви комилҳуқуқи Алянси Авруосиёии омбудсменҳо буда, ҳамасола дар ҷаласаҳо ва чорабиниҳои он фаъолона иштирок мекунад.

АКС: Мақомоти Ваколатдор оид ба ҳуқуқи инсон дар Ҷумҳурии Тоҷикистон

Ноябрь 17, 2026 15:00

Хабарҳои дигари ин бахш

Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати  Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид
‎Дар Норак осоишгоҳи Вазорати корҳои дохилӣ ифтитоҳ гардид