Дар шаҳри Хуҷанд Фестивали оши палав ҷамъбаст шуд

Ноябрь 19, 2026 17:00

ДУШАНБЕ, 19.11.2026 /АМИТ «Ховар»/. 17 ноябр дар шаҳри Хуҷанд бо иштироки беҳтарин ошпазҳои шаҳру ноҳияҳои вилояти Суғд Фестивали оши палав баргузор гардид. Дар он ошпазҳои ноҳияи Бобоҷон Ғафуров ҷойи якум, шаҳри Хуҷанд ҷойи дуюм ва ноҳияи Айнӣ ҷойи сеюмро ишғол намуданд.

Тавре ба АМИТ «Ховар» аз хадамоти матбуоти Раиси вилояти Суғд иттилоъ доданд, фестивали мазкур бо мақсади эҳё ва тарғиби анъанаҳои миллӣ, муаррифии фарҳанги миллӣ, ҳунари ошпазӣ ва арҷгузорӣ ба яке аз таомҳои маъруфи миллати тоҷик — оши палав ташкил карда шуд.

Дар фестивал ошпазҳои шаҳру ноҳияҳои вилоят маҳорати касбии худро ба намоиш гузошта, навъҳои гуногуни оши палавро омода ва пешкаши иштирокчиён намуданд. Ҳамзамон аз ҷониби ҳайати ҳакамон ба тарзи омода намудани таом, риояи анъанаҳои миллӣ ва ороиши дастархон баҳо гузошта шуд.

Дар бахши «Муаррифии беҳтарин» шаҳру ноҳияҳои Панҷакент, Конибодом ва Деваштич сазовори ҷойҳои намоён гардиданд.
Барои иштироки фаъолона шаҳру ноҳияҳои Гулистон, Спитамен ва Ҷаббор Расулов қадрдонӣ карда шуданд.

Ғолибони фестивал аз ҷониби Мақомоти иҷроияи ҳокимияти давлатии вилояти Суғд қадрдонӣ гардиданд.

АКС: Хадамоти матбуоти Раиси вилояти Суғд

Ноябрь 19, 2026 17:00

Хабарҳои дигари ин бахш

Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд
«ДОСТОНИ ДУШАНБЕ». Китоби нави Шоири халқии Тоҷикистон Давлат Сафар рӯнамоӣ гардид
Дар Файзобод нимпайкараи шоири муосири тоҷик Бозор Собир гузошта шуд
Беҳтарин асарҳои назмию насрӣ дар соли 2026 муайян мегарданд
«ДАР ЧЕҲРААШ НУРИ ХУДО ДОРАД». Таҳти ин унвон бахшида ба Рӯзи Президент намоиши асарҳо баргузор шуд
Дар Душанбе Форуми байналмилалӣ ва намоиши либосҳои миллӣ баргузор гардид
Дар Душанбе маҳфили эҷодии Шоири халқии Тоҷикистон Давлат Сафар баргузор мегардад
Дар кинотеатри «Ватан» нахустнамоиши филми муштараки «Дурахши ахтарон: Ҷомӣ ва Навоӣ» баргузор мешавад