Дар Тоҷикистон ҳаҷми Маҷмуи маҳсулоти дохилӣ 18,4 миллиард сомонӣ зиёд гардид
ДУШАНБЕ, 19.11.2026 /АМИТ «Ховар»/. Натиҷаҳои рушди иҷтимоию иқтисодии ҷумҳурӣ дар моҳҳои январ – сентябр дар сатҳи муносиб таъмин гардида, рушди воқеии Маҷмуи маҳсулоти дохилӣ дар сатҳи 8,3 фоиз таъмин ва ҳаҷми номиналии он ба 136,2 миллиард сомонӣ баробар гардид. Ҳаҷми он нисбат ба ҳамин давраи соли 2025 18,4 миллиард сомонӣ зиёд мебошад. Чунин баён гардид зимни муҳокимаи парламентӣ «Оид ба иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2026»». Дар ин хусус ба АМИТ «Ховар» аз Маҷлиси намояндагони Маҷлиси Олии Ҷумҳурии Тоҷикистон хабар доданд.
Иброз гардид, ки натиҷаҳои нишондиҳандаҳои иқтисодӣ ва молиявии ҷумҳурӣ давоми солҳои охир аз он шаҳодат медиҳанд, ки сарфи назар аз вазъи мураккаби сиёсию иқтисодии ҷаҳонӣ, ба хусус таҳриму маҳдудияти бесобиқа дар раванди ҳамкории тиҷоратию иқтисодӣ бо дастгирӣ ва пешбурди сиёсати ҳадафмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон рушди бонизоми иқтисоди миллӣ, аз ҷумла вобаста ба ҷалби сармояи беруна барои татбиқи лоиҳаҳои афзалиятнок, тадриҷан афзоиш додани ҳаҷми даромаду хароҷоти буҷети давлатӣ, хусусан баланд бардоштани сатҳу сифати зиндагии мардуми мамлакат таъмин мегардад.
Вобаста ба ин дар 9 моҳи соли 2026 дар иртибот ба рушди соҳаҳои иқтисоди миллӣ бо амалӣ гардидани тадбирҳои ислоҳотӣ ва истифодаи имконияти молиявӣ иҷрои нақшаи даромади буҷети давлатӣ бо барзиёдӣ дар сатҳи 114,9 фоиз таъмин гардид. Моҳҳои январ-сентябр идоракунӣ дар низоми молияи мамлакат дар доираи талаботи стратегияҳо ва барномаҳои соҳавӣ ба роҳ монда шуда, нишондиҳандаҳои асосии нақшавӣ дар сатҳи муносиб таъмин гардиданд.
Бо мақсади таъмини татбиқи дурнамои дарозмуддати идоракунии устувории молиявӣ ҳоло механизми ташаккули захираҳои молиявӣ, ки ба рушди иқтисодиёт ва инчунин дар оянда пешгирӣ намудани эҳтимоли пайдо гардидани ҳолатҳои фавқулодаи ғайричашмдошт дар иқтисодиёт равона гардиданд, амалӣ мешавад.
Муҳокимаи парламентӣ «Оид ба иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2026» дар 9 моҳи соли 2026» бо нишондиҳандаҳои мусбат дар сатҳи зарурӣ баргузор гардид.
АКС: Маҷлиси намояндагони Маҷлиси Олии Ҷумҳурии Тоҷикистон








Ҳайати парлумонии Тоҷикистон дар ҷаласаи 61-уми пленарии Ассамблеяи байнипарламентии ИДМ иштирок менамояд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд






