Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
ДУШАНБЕ, 18.11.2026 /АМИТ «Ховар»/. Дар партави сиёсати маорифпарваронаи Президенти Тоҷикистон, Пешвои миллат муҳтарам Эмомалӣ Раҳмон ва таваҷҷуҳи пайвастаи давлату Ҳукумат ба рушди соҳаи маориф дар Ҷамоати деҳоти Ҳаёти Нави ноҳияи Ёвон бинои иловагии таълимии Муассисаи таҳсилоти миёнаи умумии №74 мавриди истифода қарор дода шуд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Бинои нав бо мақсади беҳтар намудани шароити таълиму тарбия ва бартараф намудани мушкилоти норасоии ҷойи нишаст сохта шуда, 200 хонандаро дар ду баст фаро мегирад. Ҳамчунин дар ин рӯз дар муассисаи мазкур маркази инкишофи кӯдак низ ифтитоҳ гардид.
Бунёди чунин иншооти таълимӣ, пеш аз ҳама, ба беҳтар гардидани дастрасии хонандагон ба таҳсил ва баланд бардоштани сифати таълиму тарбия мусоидат менамояд. Ҳамзамон ба фаъолият оғоз намудани маркази инкишофи кӯдак имконият фароҳам меорад, ки кӯдакони синни томактабӣ ба машғулияти омодагӣ ба мактаб фаро гирифта шуда, қобилияту малакаҳои ибтидоии онҳо ташаккул дода шаванд.
Раиси ноҳияи Ёвон Икромиддин Вализода иброз намуд, ки рушди соҳаи маориф, таҳкими заминаи моддию техникии муассисаҳои таълимӣ ва фароҳам овардани шароити муносиб барои таҳсили насли наврас аз самтҳои афзалиятноки сиёсати иҷтимоии давлат ба ҳисоб меравад.
Ба истифода додани иншооти мазкур дар арафаи Рӯзи Президенти Ҷумҳурии Тоҷикистон қадами муҳим дар роҳи ободониву созандагӣ ва туҳфаи арзишманд ба хонандагону омӯзгорони муассиса буда, барои баланд бардоштани сифати таълиму тарбия заминаи мусоид фароҳам меорад.
АКС: Мақомоти иҷроияи ҳокимияти давлатии ноҳияи Ёвон








Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон






