Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
ДУШАНБЕ, 18.11.2026 /АМИТ «Ховар»/. Донишгоҳи давлатии омӯзгории Тоҷикистон ба номи Садриддин Айнӣ бо мақоми муассисаи гузоришдиҳанда (Reporter) дар нашри сеюми «Раддабандии байналмилалии таҳқиқоти илмии байнифаннӣ барои соли 2027» (Times Higher Education Interdisciplinary Science Rankings 2027) ворид гардид. Дар ин хусус ба АМИТ «Ховар» аз ин донишгоҳ хабар доданд.
Ин раддабандӣ, ки «Times Higher Education» дар ҳамкорӣ бо «Schmidt Science Fellows» таҳия кардааст, 18 ноябри соли 2026 нашр шудааст.
Натиҷаҳои фаъолияти илмӣ, таълимӣ ва байналмилалии омӯзгорону донишҷӯён ба Донишгоҳи давлатии омӯзгории Тоҷикистон ба номи Садриддин Айнӣ имкон дод, ки маълумоти худро барои арзёбии байналмилалӣ пешниҳод намояд ва дар «Раддабандии таҳқиқоти илмии байнифаннӣ барои соли 2027» бо мақоми муассисаи гузоришдиҳанда ворид гардад.
Ин дастовард барои беҳтар намудани нишондиҳандаҳои донишгоҳ дар нашри навбатии раддабандӣ замина фароҳам меорад. Бо густариши таҳқиқоти муштараки байнифаннӣ ва афзоиши шумораи мақолаҳои илмӣ донишгоҳ метавонад аз соли оянда дар ин арзёбӣ, ки дар он донишгоҳҳои бонуфузи Иёлоти Муттаҳидаи Амрико, Британияи Кабир, Сингапур, Чин ва дигар кишварҳои Аврупову ҷаҳон иштирок мекунанд, натиҷаҳои беҳтар ба даст орад.
Дохил гардидани Донишгоҳи давлатии омӯзгории Тоҷикистон ба рӯйхати мазкур қадами муҳим дар роҳи густариши ҳузури он дар низоми байналмилалии арзёбии муассисаҳои таҳсилоти олӣ ба шумор меравад. Ин раддабандӣ саҳми донишгоҳҳоро дар рушди таҳқиқоти байнифаннӣ аз рӯйи се самт арзёбӣ мекунад. Дар он захираҳои барои таҳқиқот ҷудошуда, шароити пешбурди корҳои илмӣ ва натиҷаҳои онҳо ба назар гирифта мешаванд.
АКС: Донишгоҳи давлатии омӯзгории Тоҷикистон ба номи Садриддин Айнӣ








Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон






