Масъалаҳои баргузории Форуми B5+1 дар Душанбе баррасӣ шуданд

Ноябрь 18, 2026 16:00

ДУШАНБЕ, 18.11.2026 /АМИТ «Ховар»/. Масъалаҳои омодагӣ ба Форуми навбатии B5+1-ро, ки баргузории он моҳи апрели соли 2027 дар шаҳри Душанбе ба нақша гирифта шудааст, баррасӣ гардиданд. Дар ин хусус ба АМИТ «Ховар» аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар доданд.

Ин масъала зимни вохӯрии Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода ва намояндаи Департаменти давлатии Иёлоти Муттаҳидаи Амрико Зулфиқор Хон ва директори минтақавии Маркази байналмилалии соҳибкории хусусӣ (CIPE) барои Аврупо ва Авруосиё Элизабет Лентс Ҷедваб баррасӣ гардид.

Ҷонибҳо оид ба мавзуъҳои асосии рӯзномаи форум, доираи иштирокчиён, ҷалби намояндагони ширкатҳои амрикоӣ ва соҳибкорони кишварҳои Осиёи Марказӣ, инчунин ташкили ҳамоҳангсозии корҳои омодасозӣ табодули назар намуданд.

Форуми B5+1 барои муколамаи намояндагони бахши хусусии давлатҳои Осиёи Марказӣ ва Иёлоти Муттаҳидаи Амрико замина фароҳам меорад. Баргузории он дар шаҳри Душанбе ба муаррифии имконоти сармоягузории Тоҷикистон, пешниҳоди лоиҳаҳои мушаххас ба сармоягузорони хориҷӣ ва густариши робитаҳои мустақим байни доираҳои соҳибкорӣ мусоидат хоҳад кард.

Дар анҷоми вохӯрӣ ҷонибҳо барои идомаи ҳамкорӣ дар доираи омодасозии форум ва дигар ташаббусҳои муштарак дар самти дастгирии соҳибкорию сармоягузорӣ изҳори омодагӣ намуданд.

АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон

 

 

Ноябрь 18, 2026 16:00

Хабарҳои дигари ин бахш

Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд