Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
ДУШАНБЕ, 05.11.2026 /АМИТ «Ховар»/. 4 ноябр Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода бо намояндагони Бонки ҷаҳонӣ мулоқот намуд, ки дар он масъалаҳои тақвияти минбаъдаи ҳамкории дуҷониба дар самти бехатарии озуқаворӣ баррасӣ шуданд, хабар медиҳад АМИТ «Ховар» бо истинод ба кумита.
Дар мулоқот анҷом додани корҳои сохтмонӣ ва муҷаҳҳазгардонии Маркази миллии ташхиси бехатарии озуқаворӣ, рақамикунонии соҳа, таъсиси низоми ҳамгирошудаи иттилоотии назорати фитосанитарӣ мавриди муҳокимаи ҷонибҳо қарор гирифт. Ҳамзамон масъалаҳои баланд бардоштани иқтидори касбии мутахассисони Кумитаи бехатарии озуқаворӣ ва сохторҳои зертобеи он ва идомаи дастгирии молиявию техникии лоиҳаи амалкунанда баррасӣ гардиданд.
Таъкид гардид, ки ба анҷом расонидани сохтмон ва муҷаҳҳазгардонии Маркази миллии ташхиси бехатарии озуқаворӣ бо таҷҳизоти муосир ба таҳкими заминаи моддию техникии соҳа, баланд бардоштани сифати ташхису таҳлилҳои лабораторӣ, такмили низоми назорати давлатӣ, содагардонии расмиёти содироту воридот ва баланд бардоштани шаффофияту самаранокии фаъолияти мақомоти назоратӣ мусоидат мекунад.
Дар фарҷоми мулоқот мусоҳибон барои идомаи ҳамкории судманд, баррасии ташаббусҳои пешниҳодгардида ва муайян намудани самтҳои нави ҳамкорӣ бо мақсади таҳкими низоми бехатарии озуқаворӣ дар Ҷумҳурии Тоҷикистон изҳори омодагӣ намуданд.
АКС: Кумитаи бехатарии озуқавории назди Ҳукумати Ҷумҳурии Тоҷикистон
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
Вазири энергетика ва захираҳои оби Тоҷикистон бо лоиҳаҳои рақамикунонии ширкати «KEGOC»-и Қазоқистон шинос шуд
Байни Тоҷикистон ва Қазоқистон дар самти муқовимат ба коррупсия Ёддошти тафоҳум оид ба ҳамкорӣ ба имзо расонида шуд
