Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид

Ноябрь 17, 2026 14:09

ДУШАНБЕ, 17.11.2026 /АМИТ «Ховар»/. 16 ноябр дар Кумитаи бехатарии озуқавории назди Ҳукумати Ҷумҳурии Тоҷикистон оид ба раванди татбиқи низоми электронии сертификатсияи фитосанитарӣ (e-Phyto) дар Тоҷикистон ҷаласаи гурӯҳи корӣ баргузор шуд, хабар медиҳад АМИТ «Ховар» бо истинод ба ин кумита.

Дар ҷаласа намояндагони вазорату идораҳои дахлдор ва шарикони рушд иштирок намуда, масъалаҳои ташкили раванди татбиқи низом, ҳамоҳангсозии фаъолияти сохторҳои дахлдор, муайян намудани марҳилаҳои минбаъдаи кор ва фароҳам овардани заминаҳои зарурӣ барои ҳарчи зудтар амалӣ намудани онро баррасӣ карданд.

Зимни муҳокима ба зарурати тақвияти ҳамкории байниидоравӣ, суръат бахшидан ба корҳои омодагӣ ва иҷрои саривақтии тадбирҳои пешбинишуда таваҷҷуҳи махсус зоҳир карда шуд.

Намояндагони Бонки Осиёии рушд ҳамзамон барои баррасии имконоти дастгирии молиявии раванди татбиқи ин низом ибрози омодагӣ намуданд.

Бояд гуфт, ки амалӣ намудани низоми e-Phyto дар Тоҷикистон ба рақамикунонии соҳаи фитосанитарӣ, содагардонии расмиёти содироту воридоти маҳсулоти растанӣ, баланд бардоштани шаффофияти равандҳои сертификатсия ва таҳкими ҳамкории байналмилалӣ дар ин самт мусоидат мекунад.

АКС: Кумитаи бехатарии озуқавории назди Ҳукумати Ҷумҳурии Тоҷикистон

Ноябрь 17, 2026 14:09

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд