Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
ДУШАНБЕ, 19.11.2026 /АМИТ «Ховар»/. Дар Хадамоти гумруки назди Ҳукумати Ҷумҳурии Тоҷикистон раванди татбиқи Созишномаи грантӣ байни Ҳукумати Ҷумҳурии Тоҷикистон ва Агентии Ҷопон оид ба ҳамкории байналмилалӣ (JICA) доир ба амалисозии лоиҳаи «Таҷдиди таҷҳизоти сканкунии борҳо дар гузаргоҳи гумрукии ноҳияи Спитамен дар масири байналмилалии нақлиётии Транскаспий» бо намояндагони ин агентӣ мавриди баррасӣ қарор дода шуд.
Тавре ба АМИТ «Ховар» аз Хадамоти гумрук хабар доданд, дар вохӯрӣ масъалаҳо оид ба корҳои омодагӣ, марҳилаҳои минбаъдаи татбиқи лоиҳа, талаботи техникӣ ва ташкилии насби таҷҳизоти муосири сканкунии борҳо, инчунин ҳамоҳангсозии фаъолияти сохторҳои дахлдор муҳокима гардиданд.
Гуфта шуд, ки татбиқи лоиҳа барои тақвияти имконоти техникии мақомоти гумрук, баланд бардоштани самаранокии назорати гумрукӣ ва такмили инфрасохтори гузаргоҳи гумрукии ноҳияи Спитамен заминаи мусоид фароҳам меорад. Ҳамзамон ба масъалаи сари вақт ва бо сифати баланд амалӣ намудани корҳои пешбинишуда, мутобиқати таҷҳизоти насбшаванда ба талаботи муосири назорати гумрукӣ таваҷҷуҳи махсус зоҳир карда шуд.
Намояндагони JICA иттилоъ доданд, ки тибқи нақшаи пешбинишуда, баргузории расмиёти тендерӣ барои интихоби пудратчиён ва таъминкунандагони дахлдор моҳи декабри соли равон дар назар дошта шудааст. Интизор меравад, ки пас аз анҷоми расмиёти тендерӣ ва иҷрои корҳои омодагӣ моҳи марти соли 2027 корҳои сохтмонӣ ва насби таҷҳизоти сканкунии борҳо дар гузаргоҳи гумрукии ноҳияи Спитамен оғоз гарданд.
Ҷонибҳо барои идомаи ҳамкории судманд, таҳкими робитаҳои касбӣ ва ҳамоҳангсозии минбаъдаи тадбирҳои муштарак барои татбиқи босифати ин лоиҳа изҳори омодагӣ карданд.
АКС: Хадамоти гумруки назди Ҳукумати Ҷумҳурии Тоҷикистон








Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад






