ТО¶ИКИСТОН САРІАДІОИ ХУДРО БАСТ

Душанбе, 25 август. (АМИТ «Ховар», Мавҷуда  Давлатзода). – Тоҷикистон  дар  доираи омодагӣ  ба  мулоқоти  сарони  давлатҳои  аъзои  Созмони  Ҳамкории  Шанхай,  ки  дар  шаҳри  Душанбе  баргузор  мегардад,  сарҳадҳои  худро  аз  24  то  30  август  баст.  Дар  замина  посгоҳҳои  сарҳадӣ  дар  байни  мамлакатҳои  ҳамсоя,  аз  ҷумла,  Афғонистон  баста шуданд. Ин тадбири  пешгирикунанда  ба   зарурати таъмини  амнияти  мулоқоти  сарони  давлатҳо  дар  рӯзҳои  мулоқот  вобаста мебошад, ки  28  август  шурӯъ  мегардад. Марзбонон   ғайр  аз  бастани   гузаргоҳҳои  сарҳадӣ  ва  минтақаҳои тиҷорати  наздисарҳадӣ барои таъмини  амният  дар  минтақаи  сарҳад  тадбирҳои  иловагӣ  меандешанд. Аз  ҷумла,  дар  сарҳади  Афғонистон  дар  самти  Панҷ  посгоҳҳои  иловагӣ  гузошта шуданд.         Бо ин мақсад  дар  дохили  мамлакат низ  тадбирҳои иловагии таъмини  амният  андешида  мешаванд. Кормандони  милиса  ва  хадамоти  махсус  айни  ҳол  ба  ҳолати  омодабош оварда шудаанд. Онҳо  корхонаю  муассисаҳои  дорои  аҳамияти  стратегӣ,  истгоҳҳои  марказии  нақлиёт ва  ҷойҳои  гузаронидани  мулоқотро   муҳофизат  мекунанд.           Тавре  хабар  дода шуда буд, дар  мулоқот  сарони  давлатҳои  Чин, Қазоқистон, Қирғизистон,  Русия,  Тоҷикистон ва  Ӯзбекистон иштирок  хоҳанд  кард. Инчунин,  ташрифи   сарони  давлатҳои  Эрону  Ҳиндустон,  Покистону  Муғулистон ва  мамлакатҳои мушоҳиди  созмон   пешбинӣ  карда  мешавад.
 
Вы ищете ламинат отзывы? Переходите на наш сайт и читайте их.