Китобхонаи электронӣ дастрас аст

Душанбе, 27.10.2014. (АМИТ «Ховар», Раъно  Нусратуллозода). — Бо  ибтикори   шуъбаи  равобити байналмилалӣ ва  тадқиқоти  илмии Пажӯҳишгоҳи  молиявию  иқтисодии  Тоҷикистон  семинар  дар  мавзӯи «Истифодаи  китобхонаи  электронии  илмии  Тоҷикистон»  баргузор  гардид. 
Тавре  ки   аз пажӯҳишгоҳи  мазкур  хабар  доданд,  муовини  ректор  оид ба  равобити  байналмилалии  он Баҳром  Сафаров дар  семинар  зикр  намуд, ки  Пажӯҳишгоҳи   молиявию  иқтисодии  Тоҷикистон  аз  соли  2012  узви Китобхонаи  электронии   илмӣ  ба  шумор  меравад. Соли  ҷорӣ  дар  фаъолияти  пажӯҳишгоҳ  бархе  тағйирот   рух дода ва  манзури  семинар бо  тағйироти  мазкур  шинос  кардани  истифодабарандагони  китобхонаи  электронӣ мебошад.
Меҳмони  семинар —  ҳамоҳангсози  барномаи  Китобхонаи  электронии  илмии  Тоҷикистона  Сокина  Каримова  иштирокдорони онро  бо  вазифа  ва самтҳои  асосии  фаъолияти он  шинос  кард.
Директори  китобхонаи илмии Пажӯҳишгоҳи  молиявию иқтисодии  Тоҷикистон  Баҳоваддин Қодиров   зимни  суханрониаш  зикр  намуд, ки пажӯҳишгоҳ баробари 174  созмону  муассисаҳои  ҷумҳурӣ узви Китобхонаи электронии  илмӣ  буда,  аз   захираҳои  иттилоотии   он  бархӯрдор  аст. 
Қобили  зикр  аст, ки  Китобхонаи  электронии  илмии  Тоҷикистон  имконияти  истифода  аз  мақолаҳои  илмии  муаллифони  кишвару  хориҷиро  фароҳам  меорад.