Дар Суғд Озмуни «Тоҷикистон — минтақаи ҷолиби сайёҳӣ» эълон гардид
ДУШАНБЕ, 03.03.2020. /АМИТ «Ховар»/. «Тоҷикистон — минтақаи ҷолиби сайёҳӣ» — таҳти чунин унвон бахшида ба Солҳои рушди деҳот, сайёҳӣ ва ҳунарҳои мардумӣ ва муаррифии бештари имкониятҳои сайёҳӣ дар байни донишҷӯёни муассисаҳои таҳсилоти олӣ ва миёнаи касбии вилояти Суғд озмуни мақолаи беҳтарин гузаронида мешавад. Ғолибони озмун бо диплом ва мукофотпулиҳо дар ҳаҷми 2500 сомонӣ, 2000 сомонӣ, 1000 сомонӣ ва 500 сомонӣ сарфароз гардонида мешаванд. Дар ин бора хабарнигори АМИТ «Ховар» бо истинод ба маркази матбуоти раиси вилоят иттилоъ медиҳад.
Ҳадаф аз баргузории озмуни мазкур мусоидат ба рушди сайёҳӣ, муаррифии имкониятҳои сайёҳии мамлакат, хусусан мавзеъҳои зебоманзари Тоҷикистон, кӯҳҳои сарбафалаккашида, рӯду чашмаҳои мусаффо, олами набототу ҳайвонот ва ёдгориҳои таърихию фарҳангии мамлакат дар доираи Солҳои рушди деҳот, сайёҳӣ ва ҳунарҳои мардумӣ мебошад.
Дар асоси низомномаи озмун хоҳишмандон метавонанд мақолаҳои худро бо забонҳои тоҷикӣ ва русӣ эҷод ва пешниҳоди ҳайати ҳакамон намоянд. Ҳангоми таҳияи мақолаҳо меъёрҳои нигориши мақолоти илмӣ бояд риоя карда шуда, маводи пешниҳодшаванда нашр нагардида бошад.
Ҳамзамон ба хотири муаррифии бештари имкониятҳои сайёҳӣ дар байни ҳунармандон оид ба истеҳсоли маҳсулоти армуғонии беҳтарин барои сайёҳон озмуни вилоятӣ гузаронида мешавад.
Дар озмуни мазкур иштирокчиён метавонанд маҳсулоти армуғонии худро барои ширкат дар озмун бо ишораи «Ба озмун» пешниҳод намоянд. Барои ғолибон ҷойҳои ифтихорӣ аз 3000 сомонӣ, 2500 сомонӣ, 2000 сомонӣ ва 1000 сомонӣ мукофотпулӣ тақдим мегарданд.
Муҳлати қабули мавод ба ин озмунҳо то 1 ноябри соли 2020 муқаррар гардидааст.
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
