БАРРАСИИ МАСЪАЛАҲОИ ҲАМКОРӢ

Дар ҷараёни мулоқот бо сарвазири Қазоқистон ва вазири энергетика ва саноати ин мамлакат масъалаҳои ҳамкорӣ дар соҳаи иқтисодиёт, иштирок дар сохтмони иншоотҳои муштарак, зиёд кардани ҳаҷми хариду фурӯши мол дар байни корхонаҳои калонтарини ҳар ду кишвар муҳокима шуданд. Сарвазири Қазоқистон ваъда дод, ки иштироки соҳибкорону тоҷирони мамлакаташро дар бобати амалӣ сохтани барномаҳои муштарак тақвият бахшад. Зимни мулоқот бо вазири корҳои хориҷии Қазоқистон масъалаҳои ҳамкории дуҷониба, тайёрӣ ба мулоқоти сарон ва намояндагони мамлакатҳои иштирокдори Машварат дар масъалаҳои ҳамкорӣ ва таҳкими эътимод дар қитъаи Осиё, мулоқоти сарони давлатҳои аъзои Созмони ҳамкории Шанхай ва масъалаҳои дигари дорои хусусияти минтақавӣ муҳокима шуданд.