ҲАМКОРИИ ОЛИМОНИ ТОҶИКИСТОНУ ФАРОНСА
Душанбе, 28 август. (АМИТ «Ховар», Олег Соболев). – Дар расадхонаи Пажӯҳишгоҳи ситорашиносии Академияи илмҳои ҷумҳурӣ дар ноҳияи Ҳисор таҷҳизоти нави таҳқиқи ҷирмҳои кайҳонӣ насб карда шуд. Дар насби таҷҳизоти нав ба олимони тоҷик мутахассисон ва олимони Фаронса Кристиан Бурдей, Силваин Булей ва Жулен Амори кӯмак расонданд. Онҳо мувофиқи созишномаи соли гузашта имзошуда дар Тоҷикистон ду ҳафта кор карданд. Меҳмонон дар ин муддат ба ноҳияи Мурғоб рафта, бо фаъолияти расадхонаи дар ин ҷо буда шинос гардиданд. Тарзу усули кори олимони ситорашиноси тоҷик ва дастовардҳои онҳо олимони Фаронсаро ба ваҷд овард. Зимни мулоқоти хотимавӣ дар Душанбе паймон карда шуд, ки мутахассисони Фаронса ба олимони тоҷик барои насби таҷҳизоти нав дар расадхонаи ноҳияи Мурғоб кӯмак мерасонанд. Фаронса ба Пажӯҳишгоҳи ситорашиносии Академияи илмҳои Тоҷикистон дар бобати тайёр намудани мутахассисони ҷавон низ кӯмак мерасонад. Бояд гуфт, ки чанде пеш корманди ҷавони Пажӯҳишгоҳи ситорашиносӣ Фирӯза Раҳматуллоева аз Фаронса ба Тоҷикистон баргашт. Вай дар давоми чор моҳ дар расадхонаҳои Фаронса таҷриба омӯхт.
Муассисаҳои таълимӣ ноҳияи Муъминобод ба зимистонгузаронӣ омода карда мешаванд
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
