ҲОСИЛИ ФАРОВОНИ МЕВА

Душанбе, 28 август. (АМИТ «Ховар», Лаззат Диловарзод).- Бино ба маълумоти фаврии Раёсати растанипарварии Вазорати кишоварзӣ соли ҷорӣ дар ноҳияи Ванҷи вилояти Мухтори Кӯҳистони Бадахшон ҳосили баланди мева рӯёнида шудааст . Тибқи нақшаи хоҷагиҳои боғпарвари ин ноҳия, соли ҷорӣ барои ба даст овардани ҳосили 4 ҳазору 673 тонна меваи зардолу, себ, нок, олуча хуб меҳнат намуданд. Хоҷагиҳо ба ҷамъоварии ҳосили боғот шурӯъ карданд. Хоҷагии давлатии Қобиламоҳ Баротова яке аз аввалинҳо шуда, 53 тонна ҳосили себу зардолуро ҷамъоварӣ намуд. Хоҷагӣ ният дорад як қисми ҳосили ҷамъоваришударо барои фурӯш ба пойтахт интиқол диҳад.