МУЛОҚОТИ ҒАЙРИРАСМИИ САРОНИ ДАВЛАТҲОИ АЪЗОИ СҲШ
Шоми 27 август дар қароргоҳи беруназшаҳрии Ҳукумати Ҷумҳурии Тоҷикистон воқеъ дар дараи хушманзараи Варзоб мулоқоти ғайрирасмии сарони давлатҳои аъзои Созмони ҳамкории Шанхай баргузор гашт. Дар мулоқоти ғайрирасмии сарони давлатҳои аъзои Созмони ҳамкории Шанхай — Эмомалӣ Раҳмон, Ху Тсзинтао, Дмитрий Медведев, Нурсултон Назарбоев, Ислом Каримов ва Қурмонбек Боқиев ва оид ба мавзуъоти рӯзномаи ҳамоиши навбатии Шӯрои сарони давлатҳои ин созмон ва масоили гуногуни ҳаёти ҷомеаи ҷаҳонӣ табодули назар карда шуд. Хотиррасон мекунем, ки Тоҷикистон, Чин, Россия, Қазоқистон, Қирғизистон ва Узбекистон ин шаш давлат аъзои комилҳуқукӣ Созмони ҳамкории Шанхай мебошанд. Эрон, Покистон, Ҳиндустон ва Муғулистон давлатҳои нозири Созмони ҳамкории Шанхай ба шумор мераванд. Аз рӯйи натиҷаҳои ҳамоиши сарони давлатҳои аъзои Созмони ҳамкории Шанхай дар назар аст, ки якчанд санади нави ҳамкорӣ ба имзо расида, ба густариши минбаъдаи муносибатҳо дар доираи ин созмон заминаи боэътимод мегузоранд. Дар ин бора ба АМИТ «Ховар» аз хадамоти матбуоти Сарвари давлат иттилоъ доданд.
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
