НИШАСТИ МАТБУОТӢ ДАР САФОРАТИ ТОҶИКИСТОН ДАР ПЕКИН

Сафири Тоҷикистон Рашид Олимов ба Кумитаи тадорукоти Бозиҳои олимпӣ ва сокинони пойтахти Чин барои пазироии самимона ва ташкили ҳамаҷонибаи мусобиқаҳои варзишӣ изҳори сипос намуд. Барои мо ҳаминаш муҳим аст, ки дастаи мунтахаби миллии Тоҷикистон маҳз дар Пекин медалҳои олимпиро ба даст овард. Мо бо варзишгарони худ ифтихор дорем. Зеро онҳо дар ҷараёни қувваозмоиҳо маҳорати хуб, иродаи мустаҳкам ва рӯҳи устувор нишон доданд, гуфт дипломати тоҷик. Сипас ба саволҳои хабарнигорони маҳаллию хориҷӣ раиси Кумитаи миллии олимпии Тоҷикистон Баҳрулло Раҷабалиев, муовини раиси Кумитаи кор бо ҷавонон, варзиш ва сайёҳии Тоҷикистон Алиаҳмад Мирзоев ва барандаи ҷоизаи нуқраи Бозиҳои олимпӣ Юсуф Абдусаломов ҷавоб доданд.