ТАРМИМИ ТЕАТРИ ОПЕРА ВА БАЛЕТ ДАВОМ ДОРАД
Душанбе, 28 август. (АМИТ «Ховар», Таҳмина Ғоибназарова). – Тармиму таҷдиди бинои Театри академии опера ва балети ба номи С.Айнӣ чор сол боз давом дорад. Бояд гуфт, ки дар натиҷаи тармими куллии бино симои он тағйир хоҳад ёфт. Директори театр Холмаҳмад Маҷидов ба АМИТ «Ховар» хабар дод, ки театр баъди тармим 21 марти соли 2009 пурра ба фаъолият шурӯъ менамояд. Айни ҳол бинокорон сутунҳои калони даромадгоҳи театрро канда, ба ҷойи онҳо сутунҳои нисбатан хурд ва бо усули шарқӣ орододашударо насб менамоянд. Дар театр осорхонаи ҳунарпешагони мардумии ИҶШС, ҳунарпешагони мардумии Тоҷикистон ва ҳунарпешагони хизматнишондода ташкил карда мешшавад. Бинокорон тасвири «Досу болға» — ро аз пештоқи театр гирифта, ба ҷойи он лавҳаи мунаққаши миллиро насб намуданд. Директори театр зикр намуд, ки барои харидани асбобу анҷом ва дастгоҳҳои компютерӣ қариб 1 миллион сомонӣ ҷудо карда шудааст. Айни ҳол асарҳои саҳнавии театр дар толори хурди он намоиш дода мешаванд, ки дорои 200 ҷойи нишаст мебошад.
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
