ҚИТЪАИ ЗАМИН БА ОИЛАҲОИ КӮЧОНИДАШУДА

             Нуробод,1 сентябр. (АМИТ «Ховар», Ризвонов Мирзосафар).- Ба 615 хоҷагии деҳаҳои Чорсада, Алигалабон, Сари пул ва фурудгоҳи ноҳияи Нуробод, ки дар навбати аввал эҳтимоли зери об мондани обанбори НОБ Роғунро доранд, бо қарори Ҳукумати Ҷумҳурӣ аз заминҳои ҳудуди ноҳияи Данғара 35 га, Рӯдакӣ 40 га ва Турсунзода 30 га, қитъаи замини наздиҳавлигӣ ҷудо гардидааст. Кучонидани хоҷагиҳои ин деҳаҳо, ки дар маҷмӯъ зиёда аз 800 оиларо ташкил медиҳад моҳҳои октиябр- ноябри соли равон оғоз меёбад.