ҶАМЪОВАРИИ ҲОСИЛ

Душанбе, 22 сентябр. (АМИТ «Ховар», Лаззат Диловарзод).- Кумитаи давлатии омори ҷумҳурӣ рафти ҷамъоварии ҳосилро дар ҳамаи корхонаҳои кишоварзӣ ва хоҷагиҳои деҳқонӣ — (фермерӣ) то 1 сентябр ҷамъбаст намуд. Тибқи маълумоти ҳамин манбаъ то 1 сентябри соли 2008 — 221 ҳазору 433 гектар зироатҳои ғалладона (бе ҷуворимакка) ҷамъоварӣ карда шудааст, ки аз он 210 ҳазору 86 гектар ғалладона кӯфта шуда, 375 ҳазору 422 тонна ғалла истеҳсол карда шуд. Аз ин миқдор ғалла кӯфта шуда 341 ҳазору 371 тоннаашро гандум ташкил медиҳад. Ҳамин тавр аз 2353 гектар 49 ҳазору 126 тона картошка аз 7745 гектар 138 ҳазору 598 тонна сабзавот аз 5338 гектар 95 ҳазору 218 тонна зироатҳои полезӣ ҷамъоварӣ карда шудааст.