ҶАМЪОВАРИИ МЕВАЮ АНГУР

Душанбе , 12 сентябр. (АМИТ «Ховар», Лаззат Диловарзод).- Бино ба маълумоти фаврии Раёсати растанипарварии Вазорати кишоварзӣ ҷамъоварии мева дар ҳамаи шаклҳои хоҷагидории ҷумҳурӣ ва ба корхонаҳои коркард супоридани он идома дорад. Соли ҷорӣ дар корхонаҳои кишоварзӣ ва хоҷагиҳои деҳқонӣ фермерӣ) – и ҷумҳурӣ мувофиқи нақша 95 ҳазору 255 тонна мева, 63 ҳазору 384 тонна ангур ҷамъоварӣ карда мешавад. Тибқи маълумоти фаврии Раёсати кишоварзии ҷумҳурӣ то 8 сентябри соли ҷорӣ дар ҷумҳурӣ 34 ҳазору 938 тонна мева, 9 ҳазору 420 тонна ангур ҷамъоварӣ ва қисман ба корхонаҳои коркард супорида шудааст, ки нисбат ба ҳамин давраи соли 2007 24 ҳазору 197 тонна мева ва 105,6 тонна ангур зиёд истеҳсол гардида аст.