АМАЛИЁТИ «БАЧАГОН» ДАР ВИЛОЯТИ ХАТЛОН
Қӯрғонтеппа, 11 сентябр. (АМИТ «Ховар», Мурод Сотиев). – Имрӯзҳо дар саросари вилояти Хатлон амалиёти «Бачагон» давом дорад. Ҳадафи амалиёт кам кардани миқдори фалокатҳои роҳу нақлиёт, пешгирии ҳалокати бачагон ва маъюб гардидани онҳо дар натиҷаи чунин фалокатҳо мебошад. Корманди калони Идораи бозрасии давлатии автомобили вилоят Ёрмаҳмад Давлатов ба АМИТ «Ховар» хабар дод, ки аз аввали сол дар ин ҷо 242 фалокати роҳу нақлиёт ба қайд гирифта шуд. Дар натиҷаи ин фалокатҳо 106 нафар ҳалок ва 273 нафар маҷрӯҳ шуд. Ё.Давлатов хабар дод, ки дирӯз дар натиҷаи фалокати нақлиёт дар ноҳияи Қубодиён боз як ноболиғ сахт маҷрӯҳ шуд. Сокини ҳамин ноҳия Баҳодур Ниёзов савори мотоцикл талабаи синфи чоруми мактаби миёнаи рақами 50 хоҷагии «Қубодиён» Ғайрат Бектошевро зер кард. Ғ.Бектошев дар натиҷаи фалокат сахт маҷрӯҳ шуда, ба шифохона фиристода шуд. Ё. Давлатов хабар дод, ки дар вилоят аз аввали сол бар асари фалокатҳои нақлиёт 18 нафар ноболиғ ҳалок ва 73 нафари дигар маҷрӯҳ шуд.
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
