АНҶОМИ САФАРИ ГУРӮҲИ КОРӢ

           Душанбе, 3 сентябр. ( АМИТ «Ховар», Лаззат Диловарзод).- Тибқи иттилои Маркази матбуоти Вазорати кишоварзӣ, бо фармони вазир Қосим Қосимов ҷиҳати омӯзишу парвариш ва ҷамъоварии ҳосили ғаллаю сабзавот гурӯҳи корӣ таъсис дода шуд. Гурӯҳи таъсисёфта аз 11 то 18 августи соли ҷорӣ дар шаҳру навоҳии вилоятҳои ҷумҳурӣ фаъолияти хоҷагиҳои ҷамъиятӣ ва деҳқонӣ (фермерӣ)- ро санҷида баромад. Гурӯҳи корӣ дар давоми сафар масъалаҳои ҷорӣ намудани механизми нави маблағгузорӣ, фонди бозгашти тухмии ғалла ва картошкаро сахт таъкид намуд. «Ба мушкилоти пешомадаи соли ҷорӣ нигоҳ накарда, хоҷагиҳо аз иҷрои нақша баромада метавонанд», таъкид шудааст дар гузориши гурӯҳи корӣ ба Вазорати кишоварзӣ.