АЗ АРЗИШИ ИЛОВА ОЗОД КАРДА МЕШАВАНД

Душанбе, 15 сентябр,(АМИТ «Ховар», Лаззат Диловарзод).- Бо мақсади ҳавасмандии воридкунандагони техникаи кишоварзӣ, ҷиҳати рушди минбаъдаи соҳа, ворид намудани техника ва технологияи нав дар ҷумҳурӣ ҷиҳати ба роҳ мондани истеҳсоли қисмҳои эҳтиётӣ, инчунин бо мақсади беҳтар намудани таъминоти соҳаи кишоварзӣ бо трактору мошинҳо, ки дар корхонаҳои ҷумҳурӣ истеҳсол мешаванд, ба муддати 5 сол аз пардохти андози воридотӣ ва арзиши андози иловашуда озод карда мешаванд. Аз тарафи Вазорати кишоварзӣ оид ба ин масъала лоиҳаи қарор таҳия ва ба ҳукумати ҷумҳурӣ пешниҳод гардид. Вазорати кишоварзӣ оид ба ҳалли масъала номгӯи техникаи кишоварзӣ ва қисмҳои эҳтиётии ба ҷумҳурӣ воридшаванда,ки бояд аз пардохти андоз, арзиши иловашуда ва боҷи гумрукӣ муваққатан озод карда шаванд, лоиҳаи қарорро ба Ҳукумати Ҷумҳурии Тоҷикистон пешниҳод намуд.