БА ДАРАҶАИ КОФӢ САБЗАВОТ ИСТЕҲСОЛ МЕГАРДАД

Душанбе, 16 сентябр, (АМИТ «Ховар», Лаззат Диловарзод).- Бино ба гуфти сардори Раёсати растанипарварии Вазорати кишоварзӣ Саидмурод Баҳриддинов, соли ҷорӣ дар корхонаҳои кишоварзӣ ва хоҷагиҳои деҳқонӣ (фермерӣ) — и ҷумҳурӣ дар масоҳати 13 ҳазору 214 гектар кишти сабзавот гузаронида шудааст, ки аз он то 15 сентябр 8026 гектарашро ҷамъоварӣ намуданд. Тибқи нақша, соли ҷорӣ дар ҷумҳурӣ 328 ҳазору 620 тонна сабзавот ҷамъоварӣ карда хоҳад шуд. То имрӯз дар ҷумҳурӣ 145 ҳазору 205 тонна сабзавот ҷамъоварӣ ва пешкаши аҳолӣ гардонида шудааст.Дар муқоиса ба ҳамин давраи соли 2007 16 ҳазору 934 тонна сабзавот бештар ба даст оварда шуд.