БУРДУ БОХТИ СОҲАИ РАСТАНИПАРВАРӢ

Душанбе, 22 сентябр. (АМИТ «Ховар», Лаззат Диловарзод).-Тибқи маълумоти Кумитаи давлатии омор, соҳаи растанипарварӣ дар соли ҷорӣ ба ҳадафҳои ниҳоии худ расида натавонист. То 1 сентябри соли 2008 дар хоҷагиҳои ҷамъиятӣ ва деҳқонӣ (фермерӣ) истеҳсоли ғалла ба 666 ҳазору 251 тонна расонида шуд, ки нисбати ҳамин давраи соли гузашта 4,2 фоиз зиёд аст. Ҷамъоварии пахта дар ин муддат ба 17 ҳазору 872 тонна, картошка 221 ҳазору 964 тонна, сабзавот 427 ҳазору 882 тонна, полезӣ 151 ҳазору 981 тонна, мева 8514 тонна ва ангур ба 38 ҳазору 96 тонна расонида шудааст, ки ин дар муқоиса ба соли 2007 мутаносибан 13,2 фоиз картошка, 12,8 фоиз сабзавот, 10,1 фоиз мева, 73,6 фоиз ангур зиёд аст. Дар соҳаи пахтакорӣ бошад 52,3 фоиз кам пахта ҷамъоварӣ шудааст.