ЧОРВОДОРӢ — СОҲАИ МУҲИМ

Душанбе, 12 сентябр. (АМИТ «Ховар» , Лаззат Диловарзод).- Мутобиқи маълумоти Кумитаи давлатии омори ҷумҳурӣ, то охири моҳи июли соли ҷорӣ дар ҳама шаклҳои хоҷагидорӣ 1 миллиону 745 ҳазору 572 сар чорвои калони шохдор, аз ҷумла 911 ҳазору 331 сар модагов , 4 миллиону 437 ҳазору 75 сар бузу гусфанд, 77 ҳазору 544 сар асп ва 3 миллиону 405 ҳазору 44 сар парранда ба қайд гирифта шудааст. Дар ҳашт моҳи соли ҷорӣ 45 ҳазору 375 тонна гӯшт, 248 ҳазору 467 тонна шир, 3 ҳазору 507 тонна пашм, 280,3 тонна асал ва 6 миллиону 812 ҳазор дона тухм истеҳсол карда шудааст, ки он дар таъмини аҳолии кишвар бо маҳсулоти чорво ва паррранда хуб мусоидат намуд.