ДАР ХУҶАНД БИНОҲОИ НАВ БА ИСТИФОДА ДОДА ШУДАНД

              Хуҷанд, 2 сентябр. (АМИТ «Ховар», Санавбар Мақсудова). — Дар шаҳри Хуҷанд 1 сентябр мағозаи нави китоби «Ганҷина» кушода шуд. Дар маросими ботантанаи ифтитоҳи он раиси вилояти Суғд Қоҳир Расулзода, инчунин шоирону нависандагон, олимон ва зиёиён ширкат варзиданд. Барои сохтмони бинои мағоза 680 ҳазор сомонӣ сарф шуд.              Бояд гуфт, ки бинои мағоза бо маблағи яке аз соҳибкорони маҳаллӣ сохта шуд. Дар ошёнаи аввали бино китобхона ва дар ошёнаи дуюми он корхонаҳои илмӣ ҷой дода шуданд.            Айни ҳол мағоза дорои бештар аз 5000 ҷилд китоб мебошад. Толори хониши он барои 40 нафар пешбинӣ шудааст.           Дирӯз инчунин дар шаҳри Хуҷанд маросими ифтитоҳи ресторани нави «Роҳат» баргузор гардид. Бинои ресторани мазкурро соҳибкори маҳаллӣ Роҳат Усмонова бунёд намуд.            Дар ресторан якбора ба 220 нафар хизмат расонда мешавад. Барои сохтмони бинои ресторан бештар аз 300 ҳазор доллари ИМА сарф шуд.                                                                                                                            Тарҷумон — Қудратов А.