ДАР МАСКАВ КИТОБИ «ОСОРИ РӮДАКӢ» ЧОП ШУД

             Душанбе, 3 сентябр. (АМИТ «Ховар», Наргис Бояхмедова). -Дар Маскав бахшида ба 1150 — солагии асосгузори адабиёти классикии тоҷику форс Абӯабдуллоҳи Рӯдакӣ китоби нав таҳти унвони «Осори Рӯдакӣ» чоп шуд. Дар ин бора роҳбари созмони иттилоотии «Тоҷинфо» дар Федератсияи Русия Муҳҳаммади Эгамзод ба АМИТ «Ховар» хабар дод. Маҷмӯа хабару мақолаҳо ва маърӯзаҳои конфронси илмии байналхалқиро дар бар мегирад, ки тобистони ҳамин сол дар Маскав баргузор гардида буд.             Конфронси мазкур бо ташаббуси сафорати Тоҷикистон дар Маскав, ҳамроҳи Иттиҳоди байналхалқии иттифоқҳои нависандагони ИДМ, Пажӯҳишгоҳи шарқшиносии Академияи илмҳои Русия ва созмони ҷамъиятии «Иттифоқи тоҷикистониёни Русия» гузаронида шуд. Китоб дар яке аз матбааҳои шаҳри Маскав чоп карда шуд.Тарҷумон — Қудратов А.