ФАЛОКАТИ НАҚЛИЁТ ДАР АҒБАИ АНЗОБ

Душанбе, 19 сентябр. (АМИТ «Ховар», Мавҷуда Давлатзода). – Дирӯз дар километри 88 – уми роҳи мошингарди Душанбе – Хуҷанд дар мавзеи Шодмондараи ағбаи Анзоб фалокати нақлиёт ба амал омад. Дар ин ҷо мошини сабукрави «Тойота» — ро, ки се мусофир дошт, зимни ҳаракат дар роҳи ағба сангу хоки зиёд пахш намуд. Дар натиҷа ронандаи мошин онро идора карда натавонист ва он ба ҷарии чуқуриаш 30 метра сарнагун шуд. Дар натиҷаи ин фалокат ду нафар дар ҷои воқеа ҳалок шуд. Шахси сеюм бо ҷароҳатҳои вазнин ба шифохона фиристода шуд. Аз рӯи хабари дафтари матбуоти Кумитаи ҳолатҳои фавқулодда ва мудофиаи гражданӣ, ҳамаи осебдидагон сокинони ноҳияи Айнӣ мебошанд.